Çempionlarğa çäksiz hšrmät kšrsitildi

0
83 ret oqıldı

Mäşür SASİQOV,
«Uyğur avazi»

Tünügün Almuta aeroportidiki yoluvçilarni kütüveliş zalida qoliğa «Yaraysilär, silär bizniŋ pährimiz» yaki «Suhrab, Äliҗan, Älişer, Äliäsqär, Sayit çempion!» degän sšzlär bar plakatlar bilän quçaq-quçaq güldästilärni tutqan çoŋ-kiçiklärniŋ toplişip turğinini štkän-käçkänlär çüşänmäy qalğan boluşimu mümkin. Ular yeqinda Tailand mämlikitiniŋ paytähti Bangkok şähiridä štkän sport festivalida kikboksing boyiçä çempion atalğan jigitlärni dağduğiliq kütüveliş mähsitidä jiğilğan Talğir nahiyäsiniŋ җamaätçilik işliriniŋ aktivistliri, ata-anilar, dost-buradär vä qerindaşlar edi.
Talğir nahiyäsidä paaliyät elip berivatqan «Nur» vä «Qizil Tuğ» sport klublirida mäşiqlinivatqan Suhrab Һaşimҗanov, Äliäsqär Äliäsqärov, Älişer Sultanğoҗaev, Sayit İntimaqov vä Äliҗan Ablähätovniŋ bu häliqara musabiqidä ğalip çiqqanliği toğriliq ähbarat iҗtimaiy torlarda bir-ikki kün ilgiri tarap, ularniŋ yeqinlirini hoşalliqqa bšligän. Ändi bügün ular üzmu-üz didarlaşti. Bu yärdä şu kšrüşüş toğriliq «täpsiliy» tohtilişqa toğra kelidu. Şundaq qilip, äşu jiraq җaydin utuq bilän qaytqan çempionlarni kütüveliş şu qädär mahtaşqa ärzigidäk šttiki, uniŋ ahiri toyğa ulaşti desäk, mubaliğä ämäs. Däsläp aeroport benasida qizğin täbrikläşlär bilän güldästilär tutuş «räsmiyiti» tügigändin keyin, җumhuriyätlik Uyğur etnomädäniyät märkizi yenidiki Sport komitetiniŋ räisi Äkräm Nurdunov, ҖUEMniŋ Talğir nahiyälik etnomädäniyät märkizi şšbisiniŋ räisi İminҗan Tohtahunov, uniŋ orunbasari Şeripҗan İliyarov, şšbä yenidiki jigitbaşliri keŋişiniŋ räisi Oktyabr' Qurbanniyazov, nahiyälik Hanim-qizlar keŋişiniŋ räisi Kaminur Sopieva, Tuzdıbastav yezisiniŋ baş jigitbeşi Turğanҗan Vah°yarov vä başqilar ğaliplarni utuği bilän täbrikläp, dayim moşundaq elimizniŋ kšk bayriğini tehimu egiz kštirişigä tiläkdaşliq bildürdi. Ular šz sšzidä, çempionlarniŋ bu ğälibisi Dšlät rähbiri Nursultan Nazarbaev elan qilğan Yaşlar jiliğa qoşqan tšhpisi ekänligini alahidä täkitlidi.
Һäqiqätänmu sağlam hayat tärizini dost tutup, täҗribilik mäşiqländürgüçilärdin tälim elivatqan bu yaşlirimizniŋ utuği hämmimizdä qandaqtu-bir işänçä ümütlirini päyda qildi. Ularniŋ arisida qabiliyätlik, tirişçan şarait yar bärsila, başqilardin heç päriqlänmäydiğan qarakšzlirimiz yetärlik. Biz päqät alğa intilğanlarğa anda-sanda kšz qirimizni taşlap, jiriğini yeqin, yätmiginini toluqturup qoysaqla kupayä. Bu җähättin biz sšz qilivatqan çempionlar säpärgä atliniş aldida mäbläğkä muhtaҗ bolğanliği rast. Nahiyäniŋ jut-җamaätçiligi «tama-tama kšl bolur» demäkçi, qol-qolçä kšpçilik bolup, birkişilik yardimini qildi. Andin sport desä, içivatqan eşini taşlaydiğan oğlanlirimizniŋ biri – Zäynidin Ğoҗähmätovniŋ küç çiqirişi tüpäyli lazim bolğan pul toluği bilän jiğilip, çempionlar işäşlik säpärgä atlandi. Älvättä, pärzäntlirini härtäräplimä qollap-quvätligän insanlarğa ata-ana, qerindaşlarniŋ eytar minnätdarliği çäksiz.
Ändi sportçilarni musabiqigä täyyarlaş väzipisini šz zimmisigä jükligän mäşiqländürgüçilär toğriliq ikki eğiz sšz. Mäsilän, šsmürlärniŋ yaman illätlärdin jiraq boluşini istäp, šz šyidä «Qizil Tuğ» sport klubini açqan Ärkin Şaev sport üçün «җenini beridiğan» jigitlärniŋ biridur. Yeşiniŋ kiçikligigä qarimay, bügüngä qädär talay çoŋ-kiçik musabiqilärdä dayim aldinqi orunlarni qoldin bärmäy kelivatqan Älişer Sultanğoҗaev bilän Sayit İntimaqovniŋ mäşiqländürgüçisi Rinat Avakrievmu kšpligän jillar davamida nurğun çempionlarni täyyarlap çiqti.
Mana moşundaq käspigä sadiq mutähässislärdä mäşiqlängän çempionlarğa hšrmät kšrsitiş şu küni Besağaş yezisidiki «Nur» kafesiniŋ aldida davamlaşti. U yärdä ularni milliy yosunda nağra-sünäylär sadasi astida kütüvalğan kšpçilik därhal šzliriniŋ «kumirliri» bilän räsimgä çüşüşkä başlidi. Çempionlarniŋ räsimliri selinğan mähsus banner aldida «selfilar» helila uzaqqa sozuldi. Bu härkimgä huş käypiyat beğişlaydiğan qalaymiqançilar selikkändin keyin yänä jut atiliri bügünki märasimniŋ «qährimanliriğa» illiq tiläklär eytip, keläçäktä ularğa mustähkäm salamätlik tilidi. Şundaqla bir top jut aktivistliri ahirqi vaqitlarda salamätligigä bola, җämiyätlik işlardin qol üzüp qalğan milliy mädäniyitimizniŋ җankšyäri Arzigül haҗim Һoşurovaniŋ šyigä qädäm täşrip qilip, nävrisi Älişerniŋ utuği bilän täbriklidi.

Bälüşüş

Javap qalduruŋ