Baş meçitniŋ quruluşi başlandi

0
189 ret oqıldı

Dšlät rähbiri Nursultan Nazarbaev paytähtniŋ Esil nahiyäsidä selinidiğan yeŋi meçitniŋ quruluşini başlaş märasimiğa qatnaşti.
– Bu yärdä pütkül Märkiziy Aziyadä täŋdişi bolmaydiğan kšrkäm, nadir meçit selinidu, – däp täkitlidi Nursultan Nazarbaev märasimda sšzgä çiqip.
Prezident yeŋi meçitniŋ pütkül musulman ähliniŋ pährigä aylinidiğanliğiğa vä Astananiŋ diqqätkä sazavär җayliriniŋ biri bolidiğanliğiğa işänçä bildürdi.
– Layihini ämälgä aşuruşqa dšlät byudjetidin mäbläğ bšlünmäydu. Quruluş işlirini orunlaş üçün mähsus fond quruldi, uniŋğa başqa qazaqstanliqlarmu ianä toplisa bolidu. Män mustäqillik jillirida kšp işlarni ämälgä aşurğan vä hazirmu moşu sovapliq işqa qatnişivatqan barliq biznesmenlarğa minnätdarliq bildürimän, – dedi Dšlät rähbiri.
Nursultan Nazarbaev yeŋi meçitniŋ Astanağa turistlarni җälip qilişniŋ yeŋi märkäzliriniŋ biri boluşi keräkligini täkitlidi.
– Meçit – paytäht üçün ähmiyätlik ob°ekt. Biz ämäldiki şundaq barliq ob°ektlarni üginip çiqip, äŋ yahşi layihini tallavalduq. Män uniŋ ämälgä aşuruluşini şähsän nazarät qilimän. Һämmiŋlarğa utuq tiläymän, – däp täkitlidi Prezident.
Layihigä muvapiq meçit benasiniŋ umumiy mäydani 57 miŋ kvadrat metrni täşkil qilip, uniŋda bir vaqitta 30 miŋ adäm namaz štäläydu. Äynä şundaq qilip, u päqät Märkiziy Aziya vä MDҺdiki äŋ çoŋ meçit bolupla qalmay, bälki duniyadiki çoŋ musulman diniy inşaätliriniŋ qatariğa kiridu.
Qazaqstan paytähtidä selinidiğan yeŋi meçit benasiniŋ memarçiliq uslubida nadir alahidiliklär äkis ätkän: meçitniŋ märkiziy gümbizi bügünki küngä qädär äŋ yoğan gümbäz bolup hesaplinidu, uniŋ diametri 63 metr, egizligi 88 metrdin oşuq. Munarlarniŋ egizligi 130 metr. Layihiligüçilärniŋ oyiçä, pädäzläş işliriniŋ ämäliy elementlirida qazaq milliy näqişlirini paydiliniş kšzdä tutulmaqta.
Diniy kompleksta bevasitä namaz štäş zalliridin taşqiri islam muzeyi, kitaphana, qolhünärvänçiligi işhanisi vä başqa mähkimilär orunlişidu. Meçit ätrapida çoŋ istirahät beği bärpa qilinidu.
Sšzsizki, Astananiŋ keläçäktiki yarqin diqqätkä sazavär җayi bolidiğan yeŋi diniy märkäz şähärniŋ yeŋi qismida – “EKSPO-2017” kšrgäzmä kompleksidin jiraq ämäs territoriyadä qäd kštiridu.
Dšlät rähbiri qatnaşqan märasim meçit quruluşi başlanğan kün bolup hesaplandi. Quruluşqa buyrutma bärgän täşkilat – “Astana – 20” Dšlät fondiniŋ iҗraiy mudiri Nurjan Mıŋjasarovniŋ täkitlişiçä, uniŋğa top-toğra 24 ay särip qilinidu. Başqiçä eytqanda, namazhanlar 2020-jili Noruz mäyrimidä meçitni ziyarät qiliş imkaniyitigä erişidu.
Dšlät rähbiri şundaqla paytähniŋ Almuta nahiyäsidä Qazaqstan Musulmanliri diniy başqarmisiniŋ yeŋi benasini ziyarät qildi.
Bu yärdä Dšlät rähbiri QMDBniŋ paaliyiti vä kälgüsi planliri bilän tonuşti, şundaqla diniy başqarma hadimliri bilän sšhbätläşti.
– Silärniŋ işiŋlar üçün barliq şarait yaritildi. Biz silär bilän häliq üçün işlävatimiz. Ägär dšlättä birlik vä razimänlik bolmisa, uniŋ keläçigimu bolmaydu, – dedi Prezident.
Nursultan Nazarbaev jiğilğanlarniŋ hämmisini qädäm täşrip qilivatqan Noruz mäyrimi bilän täbrikläp, diniy başqarma kollektiviniŋ paaliyitigä muvappäqiyät tilidi.
Mälumki, Qazaqstan Musulmanliri diniy başqarmisi yeŋi benasiniŋ quruluşini “Nwrlı Astana” korporativ fondi 2015-jili oktyabr'dä başlap, 2018-jili dekabr'da ayaqlaşturğan edi.

Bälüşüş

Javap qalduruŋ