«Baharda oyğanğan muhäbbät»

0
68 ret oqıldı

Mäşür SASİQOV,
«Uyğur avazi»

Yeqinda Almuta şähiridiki qarğular bilän kšzi yahşi kšrmäydiğan grajdanlar kitaphanisida häväskar şair, nahşiçi vä İ toptiki naka Märiyäm İminovaniŋ iҗadiyitigä beğişlanğan «Baharda oyğanğan muhäbbät» mavzusida muzıkiliq-ädäbiy käç bolup štti. Uniŋğa täğdir täqazisi tüpäyli yoruq duniyani kšrüş mümkinçiligidin mährum bolğan җanlar bilän җamaätçilik väkilliri vä birqatar ähbarat vasitiliriniŋ hadimliri qatnaşti.
Çarä-tädbir asasän Märiyäm Rozahunqiziniŋ «Tri talismana», «Zerkal'naya mel'nitsa», «Pyatoe vremya goda», «Na grani» şeiriy toplamlirini vä «Mir na oöup'», «Belaya trost'» namliq metodikiliq qollanmilirini kšzi kšrmäydiğan insanlar arisida täşviqat qiliş mähsitidä uyuşturulğan. Bu ämgäklärniŋ alahidiligi şuki, ularni päqät şularla çoŋqur çüşinip, aq-qarisiğa yätsä, ändi ädäbiyatqa, yäni oqup-bilişkä humar, lekin uniŋğa imkaniyiti yoqlar üçün tepilmas ğäznä. Märiyäm İminova täğdirdaşliriniŋ җämiyättiki hoquqlirini qoğdaş, mümkinçilikliridin toğra paydilinişiğa yardämlişiş mähsitidä kšp äҗir siŋdürgän şähslärniŋ biri. Şuŋlaşqa uniŋ mäyli şeirliri bolsun yaki nahşa mätinliri bolsun, hämmisi kšz gšhiridin ayrilğanlarğa beğişlanğan.
Muzıkiliq-ädäbiy käç başliniştin ilgiri Märiyäm İminovaniŋ tärҗimihali vä iҗadiy paaliyiti toğriliq «Män hayatni sšyimän» namliq hšҗҗätlik fil'm havalä qilindi. Uniŋda Märiyämniŋ uzun jillar davamida qarğular җämiyitidiki ämgäk paaliyiti, iҗadiyättiki qädämliridin taşqiri, şähsiy hayati toğrisidimu biraz çüşänçä berilgän. Bu küni şundaqla kitaphana foyesi çirayliq bezälgän bolup, uniŋda Märiyäm İminovaniŋ näşirdin çiqqan ämgäkliri bilän birqatar ähbarat vasitiliridä yoruq kšrgän maqaliliridin tärkip tapqan kšrgäzmä uyuşturuldi.
Käç davamida «Solov'i Alatau» rus horiniŋ, «Qalamqas» vokal topi vä Tatarstanniŋ häliq artisti Galiba Saybulatovaniŋ şoh nahşiliri, El'murat Sadiqovniŋ iҗrasidiki uyğurniŋ «Altun tartaymu» nahşisi tamaşibinlarğa arambähş dämlirini beğişlidi.
Käç ahirida kitaphana mudiri Ashat Bayuzakov vä «Qazaq qarğular җämiyiti» Almuta şähärlik şšbisiniŋ räisi Kabira Konurbaeva Märiyäm İminovağa illiq tiläklirini bildürdi.

Bälüşüş

Javap qalduruŋ