«Ömür, saŋa aşiq qalimän…»

0
67 ret oqıldı

Şämşidin AYuPOV,
«Uyğur avazi»

Ötkän häptidä Almuta şähiridiki M.Yaqupov namidiki 101-mäktäp-gimnaziyadä Qazaqstan Yazğuçilar ittipaqi yenidiki Uyğur ädäbiyati keŋişiniŋ räisi, şairä vä alimä, «Alaş» häliqara mukapitiniŋ laureati Patigül Mähsätovaniŋ 60 yaşliq tävälludiğa beğişlanğan «Ömür, saŋa aşiq qalimän…» namliq iҗadiy käç bolup štti. Uniŋğa mäktäp muällimliri bilän oquğuçilardin taşqiri, bir top alim vä yazğuçi-şairlar vä tävällud egisiniŋ şagirtliri qatnaşti.

Riyasätçilärniŋ qisqiçä kirişmä sšzidin keyin, bir top oquğuçilar sähnigä çiqip, kšpçilikni Patigül Mähsätovaniŋ tärҗimihali vä iҗadiy paaliyiti bilän tonuşturup štti. Andin ular şairäniŋ ana jut, Vätän toğriliq yezilğan şeirlirini uyğur, qazaq vä rus tillirida ipadilik oqudi vä şairäniŋ qälimidin pütülgän onliğan äsärliriniŋ mäzmun-mahiyiti vä ularniŋ alahidilikliri toğriliq ätrapliq çüşänçä bärdi.
Käç җäriyanida muällimlär Abduqeyim İmirov, Dilmurat Şäripov, Şšhrät İliev yeqimliq nahşa-sazlardin çaçqa çaçsa, mäktäp oquğuçiliri Patigül Mähsätovaniŋ qälimigä mänsüp «Künlük tutqan künçilär» häҗviyisidin kšrünüş kšrsitip, mäzkür çarä-tädbirniŋ tehimu kšŋüllük štüşini täminlidi. Şundaqla u küni kšpçilikkä şairä stsenariyisini yazğan «Ümütlük duniya» fil'midin üzündä kšrsitildi.
Käç davamida sšzgä çiqqan 101-mäktäp gimnaziyaniŋ mudiri Hurşidäm Niyazova, kšrnäklik şair, «İntizar» jurnaliniŋ baş muhärriri Abduğopur Qutluqov, «Uyğur avazi» gezitiniŋ baş muhärriri Erşat Äsmätov, «Mektep» näşriyati Uyğur redaktsiyasiniŋ başliği Rähmätҗan Ğoҗambärdiev, «Atamwra» näşriyati Uyğur redaktsiyasiniŋ başliği Malik Mähämdinov, yazğuçi Avut Mäsimov, şair Vil'yam Molotov, nahşiçi Artur İlahunov vä başqilar tävällud egisini täbrikläp, šzliriniŋ qälb sšzlirini izhar qilip, soğilirini täğdim qildi.
Umumän, u küni tävällud egisini täbrikläp, sšzgä çiqqanlar intayin kšp boldi. Ularniŋ hämmisi bir eğizdin onliğan şeiriy toplamliri, publitsistikiliq maqaliliri vä uyğur ädäbiyati boyiçä birnäççä därislik vä metodikiliq quralliri arqiliq avam häliqniŋ qälb tšridin munasip orun egiligän kšrnäklik şairä vä alimä Patigül Mäsimqiziğa minnätdarliğini izhar qildi.

Bälüşüş

Javap qalduruŋ