Mäslihät deputatliri Çoŋ Aqsuda boldi

0
36 ret oqıldı

Sabiräm ÄNVÄROVA,
«Uyğur avazi»

Yeqinda Uyğur nahiyälik mäslihätniŋ kativi Nuräkim Esjan başliğan mäslihät deputatliridin tärkip tapqan top Çoŋ Aqsu yeza okrugida bolup, ahaliniŋ hal-muŋini tiŋşap qaytti.

Deputatlar jiğin eçiştin aval, yeziniŋ tirikçilik näpäsi bilän tonuşti. Atap eytsaq, yezidiki yeŋidin quruluşi başlanğan ambulatoriyani, mal bodaş orni bilän futbol mäydançisini, yeŋidin selinğan uçastkiliq politsiya punkti vä su ambirini, «Künşuaq» bağçisi bilän yeŋi eçilğan «Radmira» dukinini ziyarät qildi. Häliq väkilliri yeŋidin huli selinivatqan yeza ambulatoriyasiniŋ quruluşiğa bağliq täklip-pikirlirini eytip, җavapkär şähslärgä ob°ektta tehiçä iş grafigi ilinmiğanliğini agahlandurup, quruluş işliriniŋ härqaçan deputatlarniŋ näzäridä bolidiğanliğini äskärtti. Şundaqla futbol mäydani üçün bšlüngän yärniŋ mal bodaş orniğa yeqin җaylaşqanliğini etivarğa alğan deputatlar, mäsilini iҗabiy häl qilişqa tirişidiğanliğini eytti.
Şuniŋdin keyin ular Çoŋ Aqsu yeza okrugi hakimiyitidä yeza turğunliri bilän uçrişip, bir türküm mäsililärni muhakimä qildi. Nahiyälik mäslihätniŋ kativi Nuräkim Esjan mäzkür säpärniŋ asasiy mähsitini çüşändürgändin keyin, sšz noviti nahiyälik İhtisat vä byudjetni planlaş bšlüminiŋ başliği Mirzalim İsmayilovqa berildi.
– 2020-jildin başlap yeza hakimliri tšrtinçi däriҗidiki byudjetni šz tizginigä alidiğan bolidu. Yeza okrugi hakimliri bu šzgirişkä täyyarmu? Asasiy gäp şuniŋda, – dedi Mirzalim Mutalimoğli. – Äŋ muhimi, tšrtinçi däriҗidiki byudjetni tolturuş üçün seliqni vaqti-vaqtida jiğip turuş haҗät.
Natiqniŋ qäyt qilişiçä, härhil seliq türliri häm җärimanlardin çüşkän byudjet yezini avatlaşturuş işliriğa paydilinilidekän. Qisqisi, ekspertiziliq täkşürüşni täläp qilidiğan çoŋ-çoŋ işlarni eytmiğanda, tšrtinçi däriҗidiki byudjetni qandaq paydiliniş yeza hakimliriniŋ ihtiyarida bolidu.
Jiğin davamida jut çoŋliri mäktäp hoylisiğa yasalğan futbol mäydançisiniŋ täläplärgä layiq kälmäydiğanliğini, Çoŋ Aqsu yezisidiki märkiziy koçiniŋ tarliğini, şundaqla biyil abrikoslarni štküzidiğan yär tapalmay, ahiri ärzinigä setip, kšp çiqimğa uçriğanliğini yätküzdi. Jut mštiväri Şavdun Sopäkov «Selinivatqan ambulatoriya smetiliq hšҗҗätlärgä muvapiq yasalsa» degän iltimasini izhar qildi.
Şuniŋdin keyin sšzgä çiqqan Çoŋ Aqsu yeza okruginiŋ hakimi Romen Sudjäkov bir jilniŋ içidä ämälgä aşurğan işlirini qisqiçä bayan qilip, çoŋaqsuluqlarniŋ birligi nätiҗisidä kšp mäsiliniŋ iҗabiy häl bolğanliğini qäyt qildi. Һakimniŋ täkitlişiçä, štkän jili seliq jiğiş işliri 100 payiz orunlinip, җämi 8 million täŋgä topliniptu. Kiçik Aqsu yezisini içidiğan taza su bilän täminläşkä 285 million täŋgä bšlünsä, Çoŋ Aqsu yezisiğa su kirgüzüş üçün smetiliq hšҗҗätlär täyyarlinivetiptu.
– Eytilğan mäsililärni bügün-ätä häl qiliş mümkin ämäs, — dedi Nuräkim Esjan turğunlarniŋ soalliriğa җavap berip. – Lekin eytilğan sšz yärdä qalmaydu. Dšlät, birinçi novättä, salamätlik, bilim beriş, yol yasaş, içimlik su vä başqimu iҗtimaiy mäsililärgä alahidä kšŋül bšlüvatidu. Meniŋçä, ändi «Biz dšlätkä nemä berivatimiz?» degän soal üstidä oylinidiğan vaqit käldi. Hudağa şükri, ähvalimiz yaman ämäs. Bir ämäs, ikki-üçtin maşina haydap jürgän aililärmu yetärlik. Şundimu bäzilär äynä şu maşinisiniŋ seliğini tšläştin qaçidu.
Toğra, selinivatqan ambulatoriyaniŋ quruluşini nazarät qilişqa turğunlarniŋ toluq hoquqi bar. Biraq işqa tosalğuluq qilmay, bayqalğan kamçiliqlarni hakimğa yaki bizgä kelip yätküzüşi haҗät. Moşu yärdä yeziliq җämiyätlik keŋäşniŋ roli alahidä. Jut täşäbbuskarliri jutqa munasivätlik härqandaq işqa arilişalaydu. Ändi, märkiziy koçiniŋ tarliğiğa kälsäk, äyip yänila šzimizdä. Turğunlar därvaza qoyğanda hoylisiğa bir ğulaç yärni artuq kirgüzüvelişqa mahir. Һä, buni kšrgän ikkinçi adämmu şuni qaytilaydu. Ändi abrikosini štküzidiğan yär tapalmayvatqanlarğa kelidiğan bolsaq, yeqin-keläçäktä Çonҗidiki şärbät zavodi işqa qoşulidu. Demäk, bu mäsilimu yeşilidu degän sšz. Abrikosniŋ bahasiniŋ tšvänlişigä birinçi novättä šzimiz äyiplik. Dağ çüşkinini häm uşşiğini astiğa selip, uni qimmitigä setişqa aldiraymiz. Biz päqät šzimiznila ämäs, šzgilärnimu oylişimiz keräkqu, ahiri…
Moşu yärdä täminati tšvän aililärgä tšlävatqan yardäm pul toğriliq tohtilip štmäkçimän. Sšzniŋ rasti, uni gadaymu, baymu elivatidu. Çoŋ Aqsu yeza okruginiŋ šzidä 148 adäm dšlättin yardäm pul alidu. Amma ularniŋ hämmisi yardämgä muhtaҗ aililär ämäs.
Ahali bilän uçrişiş äynä şundaq işçanliq şaraitta štti.

Bälüşüş

Javap qalduruŋ