Häyrihahliq kontsert

0
322 ret oqıldı

Konstitutsiya küni harpisida Ämgäkçiqazaq nahiyäsi Täşkänsaz yeza okrugi hakimiyitiniŋ qollap-quvätlişi bilän Zul'fira Niyazovaniŋ rähbärligidiki «Dilnaz» ussulçilar ansambliniŋ häyrihahliq kontserti uyuşturuldi. Kontsert Yaşlar jiliğa beğişlinip, «Meyirimdi jürek» şiari astida štti.

Raşidäm RÄҺMANOVA,
«Uyğur avazi»

«Dilnaz» ansambliniŋ täşkil qilinğiniğa birnäççä jil boldi. Kiçigidin ussulğa iştiyaq bağliğan Zul'fira uni jutdaşliriniŋ iltimasi bilän qurğan. Ansambl'niŋ tärkivigä başta 15 bala bolsa, hazir ularniŋ sani 70kä yätti. Biyil Zul'fira hoşna Amangeldi yezisidimu äşundaq top qurdi.
Täkitläş lazimki, här ikki yezida yä Mädäniyät šyi, yä klub yoq. Şuŋlaşqimu ansambl'ğa bu yezilardiki qabiliyiti bar balilarniŋ barliğiniŋ qatnaşqusi kelidu.
Zul'fira – kšrnäklik märipätçi, märhum Һebibullam Qaharov namidiki җumhuriyätlik XİV «Һoşşärä, yaş talantlar!» festivaliniŋ, A.Nizirov namidiki «Män seğinğan baharimğa yetälmidim» nahiyälik konkursiniŋ, İ җumhuriyätlik «Ümüt yultuzliri» balilar festivaliniŋ laureati. U Ürümçi şähiridiki Şinҗaŋ pedagogika universitetida tähsil kšrdi. Biyil oquşini tamamlap, jutiğa qaytqan qiz hazirçä ansambl'diki balilar bilän işläp, keyinki jili oquşini yänä davamlaşturmaqçi.
Zul'firaniŋ şagirtliri šzliri bilim elivatqan Һezmät Abdullin namidiki vä Sadir namidiki ottura mäktäplärdiki häm yezilardiki barliq mädäniy çarä-tädbirlärgä qatnişip, kšpçilikniŋ alqişiğa sazavär bolup kälmäktä. Ustazi ularni keläçäktä çoŋ-çoŋ sähnilärgä elip çiqişni arman qilidu.
«Dilnaz» ansambliniŋ häyrihahliq kontserti yezidiki mümkinçiligi çäklängän 20 baliğa yardäm kšrsitiş niyitidä uyuşturuldi. Bu küni yezidiki Uluq Vätän uruşi qurvanliriniŋ hatirisigä ornitilğan yadikarliq yeniğa Täşkänsazniŋ barliq degidäk turğunliri jiğildi. Uyuşturuş işliri bilän asasän Zul'firaniŋ ata-anisi şuğullansa, ansambl' tärkividiki balilarniŋ ata-aniliri, җämiyätlik işlarniŋ aktivistliri Raziyäm Nadirova vä Qurvanbüvi Şäripovaniŋ rähbärligidä biletlarni tarqitişta yardäm bärdi. Һ.Abdullin namidiki ottura mäktäpniŋ muällimliri Gülnisäm Qasim kontsertniŋ stsenariyini yezip, käç riyasätçiligini šz zimmisigä alsa, Räpqät Qurbanov 8 yeşida yol halakitidin qaza tapqan, «Ğunçä» festivaliniŋ iştrakçisi Şahidäm Şirmuhämätovağa beğişlap nahşilar iҗra qildi.
İkki saattin oşuq vaqit mabaynida 70tin oşuq omaq oğul-qiz qazaq, uyğur, rus, tatar, türk vä başqimu millätlärniŋ ussullirini orunlap, tamaşibinlarniŋ güldiras alqişliriğa erişti. Yaş talant egisi Esmira Abdullaevamu qazaq, uyğur vä rus nahşiliridin çaçqa çaçti.
Käçni Ämgäkçiqazaq nahiyälik Uyğur etnomädäniyät märkizi räisiniŋ orunbasari Nurbüvi Nasirova vä Täşkänsaz yezisi Hanim-qizlar keŋişiniŋ räisi Nurbüvi Ğäzämova yäkünläp, «Dilnaz» ansambliğa vä kontsertni uyuşturğuçilarğa minnätdarliğini bildürdi. Täşkänsaz yeza okrugi hakimiyitiniŋ yaşlar işliri boyiçä hadimi Şahnoza Alieva okrug hakimi El'vira Mäsütovaniŋ namidin Pähriy yarliq tapşurdi.
Ämgäkçiqazaq nahiyäsi.

Bälüşüş

Javap qalduruŋ