Biyil bäş mäktäp paydilinişqa berilidu

0
15 ret oqıldı

Taldiqorğan şähiridä bolup štkän muällimlärniŋ avgust konferentsiyasigä Uyğur nahiyäsiniŋ bir top pän muällimliri qatarida mänmu qatnaştim.
Konferentsiya vilayätniŋ bilim beriş sahasiniŋ qol yätküzgän utuqliri ipadilängän kšrgäzmini ziyarät qiliştin başlandi.
Şuniŋdin keyin Taldiqorğandiki 42-bağçida tärbiyilinivatqan gšdäklär šzliri ügängän robototehnikiniŋ däsläpki elipbäsi boyiçä robotlar bilän işläş mäşiqlirini kšrsätti. «Şveytsariyalik-amerikiliq Genius akademiyasi» ҖÇY bilän hämkarliqta ämälgä aşuruluvatqan ingliz tilida oqutuş boyiçä «İnnovatsiyalär bilän zamaniviy tehnologiyalärniŋ häliqara klasi» layihisi kšpçilik diqqitigä havalä qilindi. Mäktäpkiçä bilim beriş mähkimilirigä elektronluq novätkä qoyuş, birinçi sinipqa qobul qilişta elektronluq hšҗҗät qobul qiliş hizmätlirimu tonuşturuldi.
Konferentsiyadä doklad bilän sšzgä çiqqan vilayätlik bilim başqarmisiniŋ başliği Däuren Jünisov sahada orun alğan kamçiliqlarğa qariğanda, qol yätküzgän utuqlarğa ätrapliq tohtaldi. Bilim vä pän ministrligi Mäktäpkiçä vä ottura bilim beriş departamenti mudiriniŋ orunbasari Säule Qabimoldaevamu šzi uşbu vilayättä işligän jillarğa qariğanda bilim sahasiğa bšlüngän mäbläğniŋ birnäççä hässigä kšpäygänligini, şuniŋğa muvapiq Almuta vilayitiniŋ utuqliri, җümlidin bilim sahasini räqämläştürüş, qoşumçä bilim berişni rivaҗlanduruş mäsilisi, mäktäpkiçä bilim bilän täminläş kšrsätküçliriniŋ qanaät hasil qilidiğanliğini atap štti.
Konferentsiyani yäkünligän Almuta vilayitiniŋ hakimi Amandıq Batalov vilayättiki bilim sahasiniŋ asasiy problemiliriniŋ biri – üçsmeniliq mäktäplär mäsilisi ekänligigä alahidä tohtaldi. Ägär, biyil vilayättä 50 miŋğa yeqin bala birinçi sinipqa baridiğanliğini inavätkä alsaq, üçsmeniliq mäktäp mäsilisi tehimu muräkkäplişidiğanliği eniq.
Bügünki kündä vilayättiki üç smenida oqutuşni bolğuzmasliq üçün planğa muvapiq 3000 orunluq yättä mäktäpniŋ quruluşi jürgüzülmäktä, uniŋ bäşi yeŋi oquş jilida paydilinişqa berilsä, ikkisi kelidiğan jili oquğuçilarğa işigini açidekän.
Räsmiy mälumatlarğa kšz jügärtidiğan bolsaq, vilayättiki bilim sahasiniŋ byudjeti biyil 200,2 mlrd. täŋgini täşkil qilip, štkän jil bilän selişturğanda 43,2 mlrd. täŋgigä kšpiyiptu. Biyil 9,9 mlrd. täŋgigä 15 mäktäp, 4 kolledj selinmaqta. Ändi maddiy-tehnikiliq bazini mustähkämläşkä 8,2 mlrd. täŋgä qaraşturulğan. Tävädiki 34 kolledj dualliq oqutuş uslubiğa kšçiriliptu.
Yeŋi oquş jilida vilayättä 18 806 kšpbaliliq vä az täminlängän aililärniŋ 1 – 4-sinip oquğuçilirini issiq tamaq bilän täminläşkä qoşumçä 450 mln. täŋgä mäbläğ bšlünüptu. Umumän, 768 mäktäpniŋ 572sidä issiq tamaq uyuşturulğan.
Konferentsiya җäriyanida kšpbaliliq vä täminati tšvän aililär baliliriniŋ aliy bilim elişiğa mümkinçiliklär kšpäygänligimu qäyt qilindi. Biyil yärlik byudjettin umumiy konkursqa – 170, kšpbaliliq vä az täminlängän aililär baliliriğa yärlik byudjettin – 80, җumhuriyätlik byudjet hesavidin 540 bilim beriş granti bšlünüptu. Konkurs komissiyasiniŋ qarari bilän hakimiyätniŋ 250 granti, җumhuriyätlik byudjettin 331 bilim beriş granti tayinlanğan.
Muällimlärniŋ än°äniviy jiğinida vilayätniŋ 500din oşuq muällimi mukapatlinip, ularğa «Qwrmet» ordeni, «I.Altınsarin», «Qazaqstan Respublikası bilim beru isiniŋ Qurmetti qızmetkeri» bälgüliri vä başqimu mukapatlar tapşuruldi. Vilayät hakiminiŋ Һšrmät gramotisi vä Täşäkkürnamiliri bilän täğdirlängänlärmu boldi.

Ruqiyäm İSRAYİLOVA,
Kiçik Aqsu ottura mäktiviniŋ muällimi.
Uyğur nahiyäsi.

Bälüşüş

Javap qalduruŋ