Һezimniŋ utuğidin pähirländim

0
200 ret oqıldı

Şähsän šzäm sportniŋ heçqandaq türi bilän şuğullanmisammu, uniŋda birär utuq qazinivatqan uyğur yaşliri toğriliq uçur tapsam, mäğrurlinip ketimän. Ändi ularniŋ arisida häliqara däriҗidiki musabiqilärdä ğalip çiqsa, tehimu hšrmät bilän qaraymän.
Һämmimizgä mälumki, sportta ayrimliri oyliğandäk, utuqqa yetiş unçivala asan ämäs. Uniŋ üçün kündüz-tüni demäy şuğullinip, oyun-külkäŋni bir yaqqa qayrip qoyğandila ğälibä qazanğili bolidu. Bu yärdä meniŋ eytqanlirimniŋ häqiqät ekänligini kšpçilik sportçilirimiz yahşi çüşinidu. Bäzi sportçilirimizniŋ paaliyitini nazarät qiliş җäriyanida şuniŋğa kšz yätküzdümki, bäzän sportniŋ saŋa beridiğan sälbiy täräplirimu bolidekän. Mäsilän, bäzilär bir-ikki musabiqä-çempionatta bir-ikki qetim aldiŋqi orunlardin kšrünüşi bilänla, šzlirini alla kimlär çağlap, natoğra yollarğa kirip kätkänligidin hävirimiz bar. Ularğa sport däsläp hoşalliq hädiyä qilğan bolsa, keyiniräk başni taşqa ursimu orniğa kälmäydiğan, bäzi vaqitlarda hätta ärkinligidin mährum bolğanliğini aŋlap jürimiz. Biraq aldiğa qoyğan mähsitigä yetiş üçün barliq qiyinçiliqlarğa bärdaşliq berip, häliqara çempionatlarda җumhuriyitimizniŋ kšk bayriğini egiz kštirip, uniŋ şänini qoğdap, beşimizni kškkä yätküzüvatsa, ulardin qandaq pähirlänmäymiz.
Yeqinda televizordin yeŋiliqlarni kšrüvetip eğir salmaq däriҗisidiki boksçi Һezim Һezbaqievniŋ Amerikiniŋ Broken – Errou şähiridä (Oklahoma ştati) amerikiliq Armonte Sammerson bilän uçrişip ğälibä qazanğanliğini aŋlap, yänä bir uyğur jigitiniŋ sport duniyasida yanğanliğidin pähirländim. Meniŋ bilişimçä, u birnäççä rät mäğlubiyätkä uçrisimu, šziniŋ tirişçanliği vä mäşiqländürgüçisi, ismi kšpçilikkä yahşi mälum sportçi Һemit Tohtahunovniŋ ämgigi tüpäyli ahiri degän arminiğa yätti.
Һezim Һezbaqievni bu utuği bilän uni aŋliğanlarniŋ hämmisi täbrikläşti. Bu neminiŋ alamiti? Demäk, hälqimiz šz oğlanliriniŋ ğälibisidin dayim pähirlinidu. Ularğa šzliriniŋ illiq tiläklirini eytişqa aldiraydu. Mänmu sšyümlük gezitimiz arqiliq muhitniŋ u täripidikilärgä uyğur millitiniŋ arisidinmu mahir sportçilarniŋ bar ekänligini ispatlap bärgän Һezimni sämimiy täbrikläp, kälgüsidä uniŋdinmu egiz çoqqilarğa yetişigä tiläkdaşliğimni bildürüşni muvapiq kšrdüm.
Muradil QADİROV.
Almuta şähiri.

Bälüşüş

Javap qalduruŋ