Terigä elip davalaş

0
12 ret oqıldı

Uyğur tibabätçiligidä terigä elip davalaşniŋ šz alahidiligi bolup, häliq arisida käŋ tarqalğan. Uni iptidaiy oçiliq dävirlärdä vuҗutqa kälgän däp tähmin qilişqa bolidu. Adämlär oliğan hayvanlar terisini üstibaş qiliş bilän billä ularniŋ qaysisiniŋ qandaq kesälgä şipaliq bolidiğanliği häqqidä eniq bilgän. Hälqimizdä bolupmu qoy terisigä eliş käŋ tarqalğan. Uniŋ birnäççä türi bar.
Tuğutluq ayalni terigä eliş. Һamildar ayal boşanğanda ustihanliri aҗraydu, zähmilinidu. İşşiq päyda bolidu. Ustihanlarni äsligä kältürüş häm işşiqni yanduruş mähsitidä tuğutluq ayal yeniklişip, ikki kün štkändin keyin terigä elinidu. Terigä eliş usuliğa kälsäk, däsläp bir yaştin aşqan tohla soyulidu. Uniŋ terisi aҗritilip, içki täripigä seriq çeçäk, kavaviçin, bozurğa qatarliq täbiiti issiq dora-därmäklär sepilidu. Andin ayalniŋ ustihanliri terä bilän him orilip, şundaq halättä ikki saat turğuzulidu. Moşu vaqit içidä ayal ubdan tärläydu vä terini elivätkändin keyin šzini yenik his qilidu. Şu närsä diqqätkä sazavärki, terigä çüşkän ayal mälum vaqitqiçä šzini şamaldatmay, idä tutuşi keräk.
Zähmilängän җayni terigä eliş. Adämlär jiqilip, urunup yaki tayaq zärbisidin җarahät alğanda, uniŋğa heçqandaq dora-därmäk sepilmigän qoy terisigä elip davalaş usuli qollinilidu. Qizziq terä işşiqni yanduridu, zähmini davalaydu vä zähärni qayturidu. Terigä elinğandin keyin zähmilängän җayğa muvapiq dora yeqilip, teŋilsa, ünümi tehimu yahşi bolidu.
Sunuqni terigä eliş. Mabada süyäk sunsa, däz päyda bolsa yaki ornidin aҗrisa, därhal işşiydu häm kškirip ketidu. Mundaq ähvaldimu qoyniŋ terisigä elip, ikki saat tutuş keräk. Andin sunğan yaki çiqqan җayni orniğa kältürüp, mäkkäm teŋiş lazim.

Bälüşüş

Javap qalduruŋ