Bizniŋ balilar bähitlik

0
13 ret oqıldı

Buniŋdin üç ay ilgiri Tunҗa Prezidentimiz Elbası – Nursultan Nazarbaevniŋ qollap-quvätlişi bilän Qarasay nahiyäsidä «Üş qoŋır» sport kompleksi barliqqa kälgän edi. Bu päqät qarasayliqlarnila ämäs, bälki barliq qazaqstanliqlarni hoşalliqqa bšlidi. Çünki keläçäk ävlatqa sağlam hayat tärizini täşviqat qiliş — bügünki künniŋ asasiy väzipiliriniŋ biri hesaplanmaqta.
Keläçäktä bu hildiki sport kompleksliri härbir nahiyädä barliqqa kälsä, nur üstigä nur bolatti. U künlärniŋmu jiraq ämäs ekänligigä işänçimiz kamil. Ändi šzimizniŋ yeŋidin barliqqa kälgän sport kompleksiğa kelidiğan bolsam, u yärdä yaşlar sportniŋ 16 türi boyiçä mäşiqliniş imkaniyitigä egä. Җümlidin balilar sportniŋ ärkin küräş, dzyudo, boks, voleybol, yenik atletika, taekvando, çoŋ tennis ohşaş türliri bilän şuğullinidu. 45 mäşiqländürgüçi paaliyät elip berivatqan mäzkür sport därgahidin ikki miŋdin oşuq sportçini täyyarlaş imkaniyitigä egä.
Elbası keläçäktä bu yärdin olimpiada çempionliriniŋ yetilip çiqidiğanliğiğa ümüt bildürgän edi. Һazir bu äsnada sport kompleksida iş qizğin ketip baridu.
U yärgä ketip barğan šsmürlär bilän yaşlarğa amraqliğiŋiz kelidu. Bäzidä «Һazirqi balilar nemä degän bähitlik!» däp qoyimän. Barliq närsigä qoli yetidu. Һärbir ailidä ata-aniliri baliliri üçün barliq şaraitlarni yaritip berivatidu.
Rast, çamisi kälgänlär beğidiki alma şehiğa bir mişkap qum esip qoyup urup oynatti. Yänä birliriniŋ qorasida turnikni uçritişqa bolatti. Һazir başqa bir zamanda yaşavatimiz. Päqät baliniŋ hahişi bolsa, şu yetärlik. Qalğinini ata-anilar qärizgä pul elip bolsimu yätküzüp beridu. Mälumki, 2-sentyabr' küni Qazaqstan Җumhuriyitiniŋ Prezidenti Qasım-Jomart Toqaev qazaqstanliqlarğa «Konstruktiv җämiyätlik dialog – Qazaqstanniŋ turaqliqliği vä güllinişiniŋ asasi» Mäktübini yollidi. Män sanaätçi bolğanliqtin, uni televizordin diqqät bilän tiŋşidim. Andin «Uyğur avazi» geziti arqiliq uniŋ bilän täkrar tonuştum. «Salamätlik bolsa, hämmisi tepilidu», däp qoyumizğu. Bolupmu Prezident häliqniŋ salamätligini yahşilaş mäsilisigä alahidä diqqät bšlüş haҗätligini tilğa aldi. Җümlidin baya biz başta tohtalğan sağlam hayat tärizi. Dšlät rähbiriniŋ monu җümlilirini toluq kältürüp štüşni toğra kšrüvatimän. «Sport infraquruluminiŋ balilar üçün mümkinqädär qolyetimlik boluşini täminläş keräk. Ammiviy sportni täräqqiy ätküzüş boyiçä kompleksliq plan qobul qiliş haҗät» dedi u šz nutqida. Meniŋçä, Prezidentniŋ Mäktübidin keyin җay-җaylarda baş qoşuşlar štüp, kšpligän işlar alğa sürülmäktä.
Yeqinda iş babi bilän Qarasay nahiyäsigä qädäm täşrip qilğan Mädäniyät vä sport ministri Aqtotı Rayımqulova «Üş qoŋır» sport kompleksida bolup, Mäktüptä alğa sürülgän mäsililärgä tehimu käŋiräk çüşänçä bärdi. Ministr sahağa munasivätlik räqämlär bilän tsifrlarni misalğa kältürüp, zalda oltarğanlarniŋ «içini qizduruvätti». Mäsilän, 2025-jilğa qädär elimizdä sport bilän şuğullanğuçilarniŋ sani 35 payizğa yetidiğan türi bar. Ötkän jili 5,4 mln. qazaqstanliq sport bilän şuğullanğan. Payizğa çaqqanda 29,8.
Ministr şundaqla kšpçilik täräptin ahaliniŋ iҗtimaiy ähvaliğa munasivätlik qoyulğan bäzibir soallarğa җavap bärdi. Bolupmu mädäniyät sahasiniŋ hadimliriniŋ ayliq maaşiniŋ šsüşi toğriliq hävär moşu sahağa munasiviti bar şähslärniŋ käypiyatini kštirivätti.
Ayşäm NORUZOVA,
Qarsay nahiyälik Uyğur etnomädäniyät märkiziniŋ räisi.

Bälüşüş

Javap qalduruŋ