Mäniviy yeŋiliniş – mädäniyättä

0
12 ret oqıldı

Sabiräm ÄNVÄROVA,
«Uyğur avazi»

Nahiyä rähbärligi yeza-yezilarni arilap, jiğin štküzgändä, häliq tilğa alidiğan asasiy mäsililärniŋ biri – yezilardiki kona klub yaki Mädäniyät šyliriniŋ paydilinişqa yaramsizliği. Bu mäsilä bügüngä qädär kün tärtividin çüşkän ämäs.
Yoşuruşniŋ haҗiti yoqki, Uyğur nahiyäsidiki mädäniyät därgahliriniŋ kšpçiligi keŋäş dävridin qalğan. Vaqit bilän täŋ konirap, täŋdin-tolisi apätlik ähvalda turmaqta, yäni paydilinişqa yaramsiz. Muräkkäp җšndäştin štüp, häliqniŋ muhtaҗiğa yaravatqanliri barmaq bilän sanavalğidäkla. Älvättä, nahiyä rähbärligi bu mäsilini näzärdin sirt qalduruvatqini yoq. Päqät härqandaq işniŋ qolğa elinmiği byudjetqa kelip tirilidu, ämäsmu. Eytmaqqa oŋay bolğini bilän, mäsiliniŋ häl qilinmiği bir-ikki künniŋ oqiti ämäs.
Kona benaniŋ ätrapini çšgiläp, sunğinini tiräp, tšşügini yamap jürgän mädäniyät hadimliriniŋ ahu-zarini çüşinişkä bolidu. Qattiğiraq çamdisaŋ, işik-derizisi ğiçildaydiğan yeza klublirini qiş-yaz tazilap, küzitip jürgini bolmisa, ularğa häliqni çaqirip, mädäniy çarä-tädbirlärni štküzüşkä heç mümkinçilik yoq. Bu az degändäk, maaşimu qanaätlängidäk ämäs. Tunҗa Prezidentimiz – Elbası Nursultan Nazarbaevniŋ «Keläçäkkä nişan: mäniviy yeŋiliniş» maqalisida yeza mädäniyitini gülländürüş häqqidä alahidä eytilğan edi. Umumän, mäniviy yeŋilinişniŋ šzi – häliq mädäniyitiniŋ däriҗisi bilän šlçinidu, ämäsmu. Ändi mädäniyät därgahlirini zaman tälivigä layiqlaşturmay, mäniviy yeŋilinişqa qädäm taşlimaq täs. Bu «süyi yoq deŋizda üzüş» bilän baravär.
Yeqinda Prezidentimiz Qasım-Jomart Toqaevniŋ Qazaqstan hälqigä yolliğan «Konstruktivliq dialog – Qazaqstanniŋ turaqliqliği vä güllinişiniŋ asasi» Mäktübidä «Biz mädäniyät sahasida işlävatqan grajdanlarğa yetärlik däriҗidä kšŋül bšlmäyvatimiz. Bu – äŋ aldi bilän kitaphana, mirasgah, teatr hadimliriğa munasivätlik mäsilä. Ularniŋ maaşi keyinki jilliri tamamän kšpäymidi. Şuniŋ aqivitidin mädäniyät hadimliri, bolupmu yaş mutähässislär yenikçiligi bar turuşluq šy programmiliriğa qatnişalmaydu. Moşundaq ähval moşu käsipniŋ abroyini çüşirip, munasip kadrlarniŋ tapçilliği eniq sezilmäktä» deyilidu vä kelär jildin başlap mädäniyät hadimliri maaşiniŋ kštirilidiğanliği täkitlinidu.
Һalbuki, Prezidentimiz Qasım-Jomart Toqaevniŋ uşbu sšzliri mädäniyät sahasidiki biraz boşluqniŋ ornini tolturğandäk boldi. Yäni, mädäniyät sahasidiki kamçiliqlarniŋ Prezident hozurida muhakimä qilinişi – mädäniyät hadimliriniŋ keläçäkkä degän ümütini ulğaytip, işänçisini aşurdi. Dšlätniŋ äŋ çoŋ bayliği – uniŋ hälqi, äsla haşamätlik benaliri bilän yär astidiki qezilma bayliqliri ämäs. Bolupmu, bügünkidäk alämşumullaşturuş dävridä mäniviy yeŋiliniş hämmimizgä havadäk haҗät. Navada virtualliq alämniŋ toriğa qamalğan aŋ-säviyämizni tez-arida tazilap, mädäniyitimizni saqlap qalmisaq – bizniŋ robottin heç pärqimiz qalmaydu.

Bälüşüş

Javap qalduruŋ