Һoşşärä, çoŋçiğanliq yaşlar!

0
17 ret oqıldı

Gšhärbüvi İSMAYİLҖANOVA,
«Uyğur avazi»

Qazaqstan Җumhuriyitiniŋ Prezidenti Qasım-Jomart Toqaevniŋ qazaqstanliqlarğa yolliğan «Konstruktiv җämiyätlik dialog – Qazaqstanniŋ turaqliqliği vä güllinişiniŋ asasi» namliq Mäktübidä turğunlar, bolupmu iҗtimaiy täminati tšvän toplar üçün turuşluq šyniŋ qolyetimliğini aşuruş, yardämgä muhtaҗlarni qollap-quvätläş, novättä turğan täminati tšvän kšpbaliliq aililärgä šy beriş mäsilisini üç jil içidä häl qiliş keräkligini alahidä täkitläp, “Şähsiy tiҗarät bilän şuğullinivatqanlarni moşu işlarğa җälip qilip, dšlät-şähsiy hämkarliq mehanizmlirini yüksäldürüş lazim”, däp kšrsätti.
Һazir Prezident kšrsätmisidiki «Baqıttı otbası» layihisi boyiçä işlarni ämälgä aşuruş җay-җaylarda qolğa elindi. Җümlidin bu işta Panfilov nahiyäsidä tiҗarätçilär kšpbaliliq, täminati tšvän aililärgä yar-yšläk bolmaqta. Eytayluq, jil beşidin tiҗarätçilär täripidin 14 kšpbaliliq ailä šylük boldi. Nahiyä tiҗarätçiliri tapqininiŋ mälum qismini bu hildiki häyri-ehsanliq işlarğa särip qilip, ülgä boluvatqanliği härkimni hoşal qilidu. Tehi yeqindila «Ernar» dehan egiliginiŋ räisi Tasqin Japarqul Süptay yezisiniŋ turğuni tšrtbaliliq Җäzira Muqaevağa (sürättä) bäşbšlmilik šy selip, uni җabduq bilän tolturup, hädiyä qildi. Öyniŋ açquçini tapşuruş märasimida sšzgä çiqqan Panfilov nahiyäsiniŋ hakimi Talğat Ömiräliev dehan egiliginiŋ räisigä minnätdarliğini bildürüp, iş-paaliyitigä utuq tilidi.
Öz novitidä Tasqin Japarqul kšpbaliliq ailiniŋ baliliri mäktäp oquğuçiliri ekänligini täkitläp, ularniŋ oquş quralliri bilän kiyim-keçäklirini elip berişkä täyyar ekänligini bildürdi.
Nahiyädä mundaq sovapliq işniŋ beşida jürgänlär sani az ämäs. Lekin ular “biz undaq qilduq, mundaq qilduq” däp jar salmaydu. Mana şundaq yänä bir sovapliq işniŋ Çoŋ Çiğan yezisida yüz bärgänligini aŋlap, hoşalliqni bšlüş üçün bizmu yetip barduq.
Çoŋ Çiğan — Uluq İpäk yolidiki äŋ çoŋ jutlardin. Tärkivigä Aqkänt, Qiriqquduq, Kiçik Çiğan vä Çoŋ Çiğan yeziliri kiridiğan okrug ahalisiniŋ sani — 11378 adäm. Turğunlarniŋ asasän qazaqlar bilän uyğurlar. Ular jilniŋ tšrt päslidä ata käsip — dehançiliq vä çarviçiliqta tär tšküvatidu. Şundaq ekän, okrug ahalisi nahiyä ihtisadi bilän mädäniyitiniŋ täräqqiyatiğa birkişilik hässisini qoşuvatidu däp eğiz tolturup eytişqa häqliqmiz.
— Tšrt yezida tšrt mäktäp, 4 ambulatoriya bilän här yezida meçitlar selindi. 3 şähsiy balilar bağçisi bilän 2 dšlätlik bağçida šsmürlär tälim-tärbiyä elivatidu. Jutumizniŋ äŋ çoŋ turğunliriniŋ biri Uluq Vätän uruşniŋ tirik şahidi Yaqup Danahunov bilän Sotsialistik Ämgäk Qährimani Küläş Aytjanova — bizniŋ pährimiz, mäsläkdaşlirimiz. Küläş apimiz bu künlärdä hayatiniŋ 80-davanini qarşi elivatidu. 15tin oşuq arqa säpniŋ qährimani bilän 300din oşuq kšpbaliliq ana bar. Okrugtiki 227 kšpbaliliq aililär bilän tapaviti tšvän vä jitim-yesir, nakalarğa yardäm pulliri tšlinivatidu. Uniŋdin başqa yezida tiҗarätçilär bilän märt-märdanä jutdaşlar täripidin yardämgä muhtaҗlarğa šy selip berişta täşäbbuskarliq kšrsitivatqan yaşlirimiz bar. Mana moşu yaşlar täripidin tuğuluşidin 2-toptiki naka, 35 yaşliq Tayirҗan Aznaqulovqa Çoŋ Çiğan yaşliri šy selip, uni җihazlarğa tolturup hädiyä qildi.
Biz Aznaqulovlar ailisigä kälginimizdä Çoŋ Çiğan yezisiniŋ baş jigitbeşi İminҗan Ğoҗaşev bilän meçit imami Nurdaulet Bahıtjan, šy selişqa birkişilik yardimini qilğan yeza yaşliri şu yärdä ekän.
– Elimizniŋ Tunҗa Prezidenti – Elbası Nursultan Nazarbaev bu jilni «Yaşlar jili» däp elan qildi. Yezida täşäbbuskar yaşlirimiz toplişip, tädbirçanliq kšrsitip, jutdaş inimiz Tayirҗanğa šy seliş işini qolğa elip, quruluş işlirini šzliri şänbiliklärni uyuşturğan halda elip bardi. Mana kšrüp turupsiz, šyni Tayirҗanniŋ imkaniyitigä qarap, barliq keräklik җihazlar bilän täminländi. Öygä su tartilğan, mäş, duş bšlmisi, yataqhanisi bar, barliq җähättin qolayliq. Tayirҗanğa kiçik dadisi Ähmätҗan bilän kiçik anisi Gülämhan ğämhorluq qilivatidu. Ularmu yezidiki kšpbaliliq aililärdin. Ändi Tayirҗan šzi bevasitä maŋalmiğanliqtin, Ähmätҗanniŋ ikki oğli uniŋğa dayim hämra boluvatidu. Şuŋa äşu ikki җiyänigimu divanlar qoyulup, җabduqlandi.
Biz, jutdaşlar mäslihätlişip, «Yaşlar jilida» jigitbaşliriniŋ izbasari, varisi bolsun däp yaşlar arisidin Şahnazar Gayitovni jigitbeşi qilip sayliduq. Okrugtiki yaşlar bilän moşu balimiz iş elip baridiğan bolidu. Mana bizniŋ jigitlirimiz Prezident kšrsätmisini ämälgä aşuruşta birlişip, šmlüşüp härikät qilişiniŋ arqisida muhtaҗ җanlarğa yar-yšläk bolmaqta. Ändi kir juyuş maşinisi bilän muzlatquni elip berimän degän jutdaşlar bar, – däp mäğrurlinip kätti jigitbeşi İminҗan Ğoҗaşev.
Öyni arilap çiqip, yeza yaşliriniŋ tädbirçanliğiğa, äŋ muhimi, mehir-sahavitigä qayil bolduq.
– Uyğurlarda “jigitbeşi” degän yahşi çoŋ institut bar. Ularniŋ җämiyätlik keŋäş äzaliri bilän jutniŋ šmlügi, birligini mustähkämläştä qoşuvatqan hässisi çoŋ. Mana moşu šygä ikki million täŋgilik mäbläğni jiğip, bir bemarğa ianä qiliş, mana şu yaşlarniŋ izgü mähsiti boldi. Yaşlar muhtajlarğa qol uçini berip, šsüp kelivatqan ävlatqa tuğulğan yerini sšyüşkä, adämlirini hšrmätläşkä, qädirläşkä, lazim bolğanda qol uçini berip, jiqilğanni yšläş ohşaş işlarni elip berip, häqiqiy vätänpärvärlikniŋ ülgisini kšrsitivatidu. Okrug turğunliri yänä bir kšpbaliliq aniğa šy selip berişni qolğa alduq.
Kiçik Çiğan yezisiniŋ turğuni 7 baliliq Erkegül Kağajieva. Mana moşu aniğimu yeŋi šy seliş işliri ketip baridu, – dedi okrug hakimi.
Biz Kiçik Çiğan yezisidiki kšpbaliliq Erkegül vä Nurlan Düysebaevlar üçün selinivatqan šyniŋ quruluş işliri bilän tonuştuq. Bu işta okrug turğunliri bilän tiҗarätçilär Ten Aleksandr, Turğanҗan Zayitov, nahiyälik «Atameken» tiҗarätçilär palatisi yenidiki Tädbirçan ayallar keŋişi, yeza yaşliri, sinipdaşliriniŋ qollap-quvätlişiniŋ arqisida quruluş işliri ketip beriptu.
«Kšp tükärsä, kšl bolur» degini şu bolsa keräk. Biz Çoŋ Çiğan yezisiniŋ yaşliriğa, sahavätlik tiҗarätçilärgä apirin eytip, ularniŋ izgü işliriğa utuq tiläp hoşlaştuq.

Panfilov nahiyäsi.

Bälüşüş

Javap qalduruŋ