Çonҗida speleokamera işqa qoşuldi

0
17 ret oqıldı

Sabiräm ÄNVÄROVA,
«Uyğur avazi»

«Utuqqa yetişniŋ mälum bir formulisi yoq. Çünki härkimniŋ yoli başqa» degän ekän bir dana. Һäqiqätän, härkimniŋ šmri häm maŋar yoli başqa. Biraq biz yaşavatqan duniya bir. Bolupmu, qazaqstanliqlarniŋ dšliti – bir, hoquqi – baravär! Amma, nemä üçün bir җämiyättä yaşavatqan insanlarniŋ turmuş süpiti härhil?! Sävävi, utuqqa yetivatqanlar bilän uhlap yatqanlarniŋ arisida çoŋ päriq bar. Därväqä, hazirqi kündä mol tapavät tepişniŋ äŋ işäşlik yoli – tiҗarät desäk, heç hatalaşmaymiz.
Җümlidin Prezidentimiz Qasım-Jomart Toqaevniŋ «Konstruktiv җämiyätlik dialog – Qazaqstanniŋ turaqliqliği vä güllinişiniŋ asasi» Mäktübidä tiҗarät bilän şuğullanğuçilarni davamliq qollap-quvätläş lazimliği yänä bir qetim täkitlinip, mikro vä kiçik tiҗarätni täräqqiy ätküzüşkä çoŋqur kšŋül bšlüş haҗätligi eytildi.
Hoş, dšlät täripidin yaritilivatqan imkaniyätlärdin utuqluq paydilinip, tiҗarät arqiliq täräqqiyatimizğa salmaqliq hässä qoşuvatqanlar Uyğur nahiyäsidimu bar. Hulläs, jil sanap diyarimizda tiҗarät bilän şuğullanğuçilarniŋ kšpiyip kelivatqanliği vä yeŋi-yeŋi tiҗarät märkäzliriniŋ qäd kštirişi – sšzümizniŋ eniq ispati. Äynä şundaq yeŋi märkäzlärniŋ biri – tehi yeqinda lentisi qiyilğan «Nayuta» şirkitiniŋ nahiyälik şšbisidur.
Äsli, «Nayuta» şirkitiniŋ Vätini – Җänubiy Koreya. Bu şirkät täbiiy şipaliq hususiyiti bar dora-därmäklärni işläp çiqiridu. Bolupmu, mäzkür şirkätniŋ asasiy alahidiligi – şipaliq tuz arqiliq davalaş.
Şirkätniŋ Uyğur nahiyäsidiki väkilliriniŋ biri Ärmidin Tayirovniŋ täkitlişiçä, «Nayuta» şirkitiniŋ Qazaqstanda päqät üç şšbisi bar ekän. Biri Atıravda, biri Almuta şähiridä bolsa, üçinçisi – Uyğur nahiyäsidä işqa qoşuluptu. Eniğiraq eytqanda, Çonҗa yezisida «Nayuta» şirkitiniŋ mähsulatlirini setip, speleokamera arqiliq davalaş yolğa qoyulğan yeŋi märkäz häliqqä hizmät kšrsätmäktä.
Tiҗarätçi Nariman Davutovniŋ başlanmisi bilän eçilğan yeŋi mähkiminiŋ lentisini Uyğur nahiyälik mäslihätniŋ kativi Nuräkim Esjan bilän Uluq Vätän uruşiniŋ veterani Musaҗan Mamirov qiydi. Eçiliş märasimiğa qatnaşquçilarniŋ qatarida «Nayuta» şirkitiniŋ Җänubiy Koreyadiki väkili Pak Oleg, Nur-Sultan şähiridin iştrak qilğan väkili Almagül Berikova, şundaqla nahiyälik «Atameken» tiҗarätçilär palatisiniŋ rähbiri Muslim Amangeldi boldi.
Speleokamera – bu tamliri mähsus tuz (deŋiz tuzi yaki qizil tuz) bilän qaplanğan bšlmä bolup, nurğunliğan ağriqlarğa şipa kšrünidu. «Nayuta» şirkitiniŋ mähsulatliri – iç tazilaş (üçäydiki taşlarni çüşiriş), tamaq häzim qilişni yahşilaş, artuq salmaqtin ayriliş, metabolizmni äsligä kältürüş, hüҗäyrilärni tazilaş hususiyitigä egä bolup, härhil terä ağriqliriğa, angina (bronho sistemisiniŋ ağriqliriğa), revmatizm vä parodont qatarliq kesälliklärgä paydilinişqa tävsiyä qilinidekän. Ändi Çonҗiğa ornitilğan speleokamera bšlmisidä 45 minut oltiriş bahasi – 2,500 täŋgä bolup, bšlmigä kiriştin aval davalanğuçiğa minnätlik türdä mähsus kiyim berilidu.
Һärkimniŋ yaşaş ärki šz qolida. Bäzilär zaman tälivigä yarişa җan talişip tirikçilik qilsa, bäzilär yänila şu kona hamanni sorup, «Alma piş, ağzimğa çüş» degän printsipta hayat käçürmäktä. Ahirida eytarimiz, bügünki zamanda yeŋiliqqa intilğuçilar bilän yeŋiliq yaratquçilar ozup çiqidu.

Bälüşüş

Javap qalduruŋ