Ustazlarğa täşäkkür!

0
15 ret oqıldı

Muällim bolğandin keyin, ustazlirimniŋ qädrigä yättim. Muällim bolup adäm tärbiyilimäk, oquğuçilarniŋ qälb bostanida mäŋgü huş puraq çeçip turidiğan gül bolmaq nemançä tästu? Oquğuçilarğa adäm boluşniŋ yollirini ügätmäk, häqiqätniŋ toğra yolida mäŋgü eğişmay maŋidiğandäk qilip tärbiyilimäk vä ularni duniyaniŋ tinçliği vä täräqqiyati üçün halis tšhpä qoşidiğan bir äzimätkä aylandurmaq nemançä tästu?
Meni ustazlirim tärbiyiläp qatarğa qoşqan. Män muällim bolğanliğimdin çäksiz şäräp his qilimän vä pähirlinimän. Amma oqutuş äslihäliri zamaniviylaşmiğan, oqutuş җäriyanliri älalaşturulmiğan, ustazlarniŋ yetäkçilik roli oquğuçilarniŋ üginiştiki täşäbbuskarliq rohi qozğitilmiğan, oquğuçilarniŋ äqil bulaqliri toluq eçilmiğan «quyup qoyuş» usuli arqiliq tälim-tärbiyä hizmiti bilän şuğullanğan ustazlirimni oyliğinimda hiҗil bolimän, ustazlirimniŋ җapaliq äҗrigä täşäkkür bildürimän.
Güllärniŋ huş puraqliriğa tolğan, çinä hişlar yatquzulğan yollar, tal baraŋliri sayä taşlap turğan üginiş säynasi, tšrtqulaq vä härhil zenät gülliri bilän bezälgän çimliqlar, türlük täntärbiyä paaliyätliri vä bädän çiniqturuşqa maslaşturulğan täntärbiyä mäydani, oquğuçilarniŋ җoşqun avazliri yaŋrap turidiğan mäktäp hoylisi, uniŋdiki adämni mähliya qilip turidiğan gšzäl mänzirilär, azadä yoruq, zamaniviy oqutuş äslihäliri toluq säplängän siniplar, adämniŋ maddiy vä mäniviy ehtiyaҗiğa uyğunlaşturulup selinğan yataqlar, yataqlardiki qaynaq turmuş, oquğuçilarniŋ kštiräŋgü, җoşqun halätliri qälbimni çoŋqur hayaҗanğa salidu. Män – mana moşu mäktäpniŋ muällimi. Meniŋ 30 jilliq hayatim häm oqutuş bilän şuğulliniş häm adäm tärbiyiläş bilän štüp kätti.
Ottuz jil – az vaqit ämäs, şundaqla bäk kšp vaqitmu ämäs. Meni tärbiyiligän җapakäş ustazlirimğa selişturğanda, šzämni tolimu bähitlik his qilimän. Ularniŋ gšzäl yaşliği qaraŋğu, zäy sinip, işhanilarda, topa-tuman uçup turğan mäydanlarda, kataŋliq yollarda uzap kätti. Ularniŋ gšzäl yaşliği qurma tamlarda, kesäk šylärdä oltirip däris täyyarlaş, tapşuruq täkşürüş, hatirä yeziş, oquğuçilarniŋ äsäb-psihikisini tählil qiliş bilän štüp kätti; ularniŋ gšzäl yaşliği çoŋ bir ailiniŋ turmuşini qamdaş, balilirini aliy mäktäplärdä oqutup tärbiyiläş, mäktäpniŋ türlük hizmätlirini orunlaş bilän štüp kätti. Җapakäş ustazlirim hayatniŋ türlük sinaqliridin, hizmätniŋ ägri-toqayliqqa tolğan yolliridin, gšzäl ätigä bağlanğan izgü intilişliridin oŋuşluq štti. Ustazlirimniŋ pidakar rohi – meniŋ üçün ülgä.
Maŋa däris bärgän, meni tärbiyiläp qatarğa qoşqan, meniŋ täğdirimni šzgärtkän, maŋa yar-yšläk bolğan ustazlirimğa aliy ehtiram bildürimän. Ustazlirimni şamğa ohşatqum kälmäydu, çünki şam närqi ärzän, puriği sesiq närsä; ustazlirimni gülgä ohşatqum kälmäydu, çünki härqandaq gšzäl güllärmu vaqitniŋ štüşi bilän tozup ketidu; ustazlirimni quyaşqa ohşatqum kälmäydu, çünki, quyaşmu vaqti-qärälidä petip ketidu. Ustazlirimni yiltizlarğa ohşatqum kälmäydu, çünki yiltizlarmu çirip qalidu. Qisqisi, ustazlirimni heçnemigä ohşatqum kälmäydu, ohşitişnimu halimaymän.
Ustazlirimni kšrgändä çin dilimdin ehtiram bildürimän. Ularğa heçnemä qilip berälmiginimni oyliğinimda, hiҗalätçiliktin yärgä kirip kätkidäk bolimän. Aliy mäktäptä oquvatqan çeğimda märhum ustazim Muhämmät Sidiq Tšmüri: «Ata on balini beqip qatarğa qoşalaydu, amma on bala birlişip, bir җüp ata-anisini baqalmaydu» degän edi. Җapakäş ustazlirim näççä qarar sinip yetäkçisi bolup, kšzgä kšrüngän dšlät mämurlirini, juquri sapaliq pän-tehnika hadimlirini, professorlarni, ataqliq yazğuçi-şairlarni, alqişqa sazavär bolğan büyük sän°ätkarlarni, daŋliq qanunşunaslarni, şipagär dohturlarni, mehrivan oqutquçi-ustazlarni däl ustazlirimiz tärbiyiläp yetiştürgän. Ustazlirimizniŋ җämiyätkä qoşqan tšhpisi hesapsiz…
Muällim bolğandin keyin ustazlirimniŋ haliğa yättim, 30 jilni štküzüp bolup, mänmu halimdin kättim… Ustazliq җapaliq häm şäräplik hizmät. Män ustazlirimni äsläp oltirip, ularniŋ siŋdürgän äҗrigä, esil päzilitigä, adimiylikni yadro qilğan çoŋqur mehrigä, ilim-pänni qizğin sšyüştäk pidakar rohiğa täşäkkür eyttim. Bügün – muällimlär mäyrimi. Män mäyräm tiläklirigä kšmülüpla qaldim. Җapaliq jillarda muällimlik hizmiti bilän şuğullanğan ustazlirim kšz aldimdin zadila kätmidi. Ulardiki ustazliq rohi qälbimni çäksiz hayaҗanğa selip, rohumni orğitip, vuҗudumni lärzigä saldi. Äy, җapakäş ustazlirim, bügünki bähtiyar, ävzäl maarip şaraitimiz, oquş-oqutuş, tälim-tärbiyä ävzälliklirimiz, äŋ ilğar tärbiyiläş muhitimiz silärniŋ gšzäl-arzu istäkliriŋlardin kälgän. Biz silärdin minnätdar, äziz ustazlar!

Tursunҗan ҺÄSÄN.

Bälüşüş

Javap qalduruŋ