Qazaqstandiki 100 muällimniŋ biri

0
81 ret oqıldı

«Qazaqstandiki 100 ustaz» kitaviğa kirgän täҗribilik muällimlärniŋ biri Roza Savutova bizniŋ mäktäptä işläydu.
U 1975-jili Yarkänt şähiridiki pedagogika uçiliöesini tamamlap, däsläpki paaliyitini tuğulup šskän juti Ğalҗattin başlaydu. Bilimgä intilğan yaş ustaz 1987-jili Abay namidiki Qazaq pedagogika institutiniŋ (hazirqi QazMPU) rus tili vä ädäbiyati fakul'tetida tähsil kšridu.
– Peduçiliöeda oqup jurgän çeğimda šzämni Valentina Demçenko isimliq äҗayip ustazğa qiyas qilattim, uniŋ däris çuşändürüş usulliri, šz pänini mukämmäl bilişi, oquğuçilarni şu pängä җälip qiliş amilliri meni intayin qiziqturatti. Meniŋ rus tili vä ädäbiyati päniniŋ muällimi boluşimğa şu kişiniŋ çoŋ ülüşi bar desäm, hatalaşmaymän, – däydu ustaz.
Roza Savutova hazir Almuta şähiridiki 7-rus-qazaq ottura mäktividä juqarqi siniplarda rus tili vä ädäbiyatidin däris beridu. 2014-jili hšrmätlik däm elişqa çiqsimu, sšyümlük käspidin qol üzgini yoq. Mäzkür mäktäptä işläş җäriyanida kšpligän oquğuçilar rus tili päni boyiçä nahiyälik, şähärlik olimpiadilarğa qatnişip, aldinqi orunlardin kšründi. Rus tili boyiçä täyyarlanğan ilmiy layihilärdimu Roza Savutqiziniŋ oquğuçiliri muvappäqiyätlärgä erişmäktä. Bu bolsimu – šz işini mukämmäl bilidiğan ustazniŋ ämgigi.
Yeqinda uniŋ җumhuriyätlik «Russkiy yazık v şkolah i VUZah Kazahstana» jurnalida «Rus tili pänini oqutuşta yeŋi tehnologiyalärni paydiliniş» namliq ilmiy maqalisi besildi. Ötkän jili ustaz A.Baytursınov namidiki Til bilimliri instituti uyuşturğan «İZDENİS» jumhuriyätlik ilmiy-ämäliy änҗumanğa iştrak qilip, uniŋ yeŋiçä oqutuş programmisi boyiçä tüzülgän layihisigä iҗabiy baha berildi. Bu vä başqimu ämgäkliri juquri bahalinip, ustaz Almuta şähärlik bilim başqarmisiniŋ, Medev nahiyälik bilim bšlüminiŋ, Nur Otan partiyasiniŋ, şähärlik «Ustaz» käspiy ittipaqliri birläşmisiniŋ diplom vä pähriy yarliqliri bilän täğdirländi. Şuniŋ bilän billä ustaz šziniŋ boş vaqtini ğenimät paydilinip, Almuta vilayätlik «Yaş tehniklar» stantsiyasidä uzun jillardin beri metodist bolup işläp kälmäktä. Oquş jiliniŋ başlinişi bilän u Bilim vä pän ministrliginiŋ Minnätdarliq heti bilän täğdirländi. Mäydisidiki «Ibıray Altınsarin» medalimu – uniŋğa berilgän juquri baha.
Ändi uniŋ «Qazaqstandiki 100 ustaz» kitaviğa kirişi beşimizni kškkä yätküzdi. Bu päqät yalğuz ustazğila ämäs, mäktäp kollektiviğa bolğan hšrmät, däp çüşinimän. Äynä şundaq ilğar 100 ustazniŋ biri bizniŋ mäktäptä işläydu. Roza apay ailisidimu bähitlik, ikki oğul, bir qiz tärbiyiläp qatarğa qoşqan ana. Ularmu anisi ohşaş işlämçan häm tirişçan. “Alma däriğidin jiraq çüşmäydu”, degini moşu bolsa keräk.
Aygül İLÇİBAEVA.
Almuta şähiri.

Bälüşüş

Javap qalduruŋ