Kitap duniyasiğa säyahät

0
121 ret oqıldı

«Yaşlar jili» dairisidä җumhuriyät däriҗisidä däsläpki qetim «Kitaphana duniyasi – yaşlar istiqbali bilän ämälgä aşurulidiğan mümkinçiliklär makani» mavzusida yaş kitaphaniçilarniŋ 1-sleti bolup štti.

Şämşidin AYuPOV,
«Uyğur avazi»

Mäzkür çarä-tädbirni Naka vä naçar kšridiğanlarğa beğişlanğan җumhuriyätlik kitaphana uyuşturdi. Asasiy mähsät – yaş mutähässislärniŋ iҗadiy qabiliyitini eniqlaş, uşba sahada yeŋi uslublarni šzläştürüş, kollektivta pozitivliq iş tärtivini şäkilländürüş, kitaphaniçilarniŋ šzara täҗribä almaşturup, bilimini mukämmälläştürüş.
İkki kün davamlaşqan kitaphaniçilar sletida vilayätlik, şähärlik mähsus kitaphanilar bilän mähsus bšlümlärniŋ rähbärliri birqatar mäsililärni muhakimä qildi. Mutähässislärniŋ täkitlişiçä, Qazaqstan boyiçä nakalarğa 1 җumhuriyätlik, 9 vilayätlik, 5 şähärlik kitaphana bilän 2 kitaphaniliq bšlüm hizmät kšrsitidekän.
Märasim җäriyanida «Җämiyät transformatsiyasi – kitaphanilar transformatsiyasi», «Һazirqi җämiyättiki kitaphanilarniŋ innovatsiyalik hizmiti» mavzusida maharät därisliri štküzülüp, «Kitaphana – mänaviyat makani» namliq kšrgäzmä uyuşturuldi.
Sletqa qatnaşqanlar nakalarniŋ ehtiyaҗiğa qarap paydiliq mälumatlarni toplap, bilimini mukämmälläştürüşkä yeqindin yardäm kšrsätti.
***
Mälumki, kitaphaniçiniŋ işi intayin eğir. Ätidin-käçkiçä topa-çaŋniŋ içidä jüridu. Biraq alidiğan maaşi intayin az. Şuŋlaşqa Prezidentimiz Qasım-Jomart Toqaev šziniŋ qazaqstanliqlarğa yolliğan «Konstruktiv җämiyätlik dialog – Qazaqstanniŋ turaqliqliği vä güllinişiniŋ asasi» namliq Mäktübidä başqa sahalar bilän billä mädäniyät sahasiniŋ problemiliriğimu alahidä tohtaldi.
«Biz mädäniyät sahasida işlävatqan grajdanlarğa yetärlik däriҗidä kšŋül bšlmäyvatimiz», dedi Prezident. – Bu – äŋ aldi bilän kitaphana, mirasgah, teatr hadimliriğa munasivätlik mäsilä. Ularniŋ maaşi keyinki jilliri tamamän kšpäymidi. Şuniŋ aqivitidin mädäniyät hadimliri, bolupmu yaş mutähässislär yenikçiligi bar turuşluq šy programmiliriğa qatnişalmaydu. Moşundaq ähval moşu käsipniŋ abroyini çüşirip, munasip kadrlarniŋ tapçilliği eniq sezilmäktä. Kelär jildin başlap Һškümät mädäniyät hadimliriniŋ maaşini kštirişi lazim».
Därhäqiqät, qançä maaş elişidin qät°iy näzär, mädäniyät hadimi, җümlidin kitaphaniçi häqiqätänmu hšrmätkä layiq. Şuŋlaşqa Prezident Mäktübidä qäyt qilinğinidäk, mäҗburiy iҗtimaiy yenikçiliklär mädäniyät sahasiniŋ väkillirigimu җäzmän berilişi keräk. Oylaymizki, Mäktüptä eytilğan sšz eytilğan yeridila qalmaydu.

Bälüşüş

Javap qalduruŋ