Ösmürlär küç sinaşti

0
32 ret oqıldı

Yäkşänbä küni Almutiniŋ «Dostluq» mikrorayonidiki sport mäydanida mäzkür juttila ämäs, uniŋ sirtidimu tonulğan säkkiz qirliq, bir sirliq sportçi, märhum Halmurat Һasamdinovniŋ hatirisigä beğişlanğan futbol boyiçä šsmürlär arisida şähärlik turnir bolup štti. Uniŋğa jänubiy paytähttiki jutlardin 12 komanda qatnaşti.

Yultuzay SEMÄTOVA,
«Uyğur avazi»

Turnirniŋ eçiliş täntänisidä sšzgä çiqqan җumhuriyätlik «Uyğur avazi» gezitiniŋ baş muhärriri Erşat Äsmätov bilän «Dostluq» mikrorayoniniŋ baş jigitbeşi Azat İbragimov mäzkür çarä-tädbirniŋ hayati keyinki ävlatqa ülgä bolarliq şähslärniŋ isimlirini äbädiyläştürüştä, pärzäntlirimizniŋ boyida sağlam hayat tärizini şäkilländürüştä, şuniŋ bilän billä ularniŋ qälbigä vätänpärvärlik häm millätpärvärlik his-tuyğulirini siŋdürüştä zor ähmiyätkä egä ekänligini alahidä täkitlidi. Natiqlar şundaqla turnirni uyuşturğan «Dostluq» mikrorayoni Aqsaqallar keŋişiniŋ räisi Äli Ähmätovqa, Yaşlar keŋişiniŋ räisi Yalqun Tayirovqa, jut aktivistliri Dilşat İlahunovqa, Täl°ät İslamovqa, Baratҗan Nurdinovqa, hamiyliq qilğan Abduşükür İmrämziev rähbärligidiki Halmuratniŋ mäşräp ähligä sämimiy minnätdarliğini bildürdi.
Bu küni turnirğa qatnaşqan komandilar 9 – 11 vä 12 – 14 yaşliq sportçilardin tärkip tapqan ikki topqa bšlünüp, šzara küç sinaşti. Ätigändin käç kirgiçä davam qilğan musabiqilär yäküni boyiçä, birinçi topta üç mukapatliq orunniŋ hämmisini «Dostluq» mikrorayoniniŋ «Barselona», «İnter» vä «Yuventus» komandiliri egilidi. Һä, ikkinçi topta bolsa, birinçi orun – «Alğabas» (Alğabas mähällisi), ikkinçi orun «Qalqaman» («Qalqaman» mikrorayoni), üçinçi orun «Qarahan» («Dostluq» mikrorayoni) komandiliriniŋ änçisigä tägdi. Һärhil komandilar tärkividä oynap, alahidä maharät kšrsätkän Rufat Yoldaşev bilän Alimҗan Alçinbaev – «Äŋ yahşi huҗumçi», Abdumeҗit Һoşurov bilän Dilzat Şäripov — «Äŋ yahşi qoğdiğuçi», İsmayil Nurdinov bilän Marselin Turğanov «Äŋ yahşi därvaziçi» namliriğa sazavär boldi. Ğalip çiqqan komandilar maddiy häm mäniviy soğilar bilän täğdirländi.

Bälüşüş

Javap qalduruŋ