Kärim ğalibiyät bilän qaytti

0
61 ret oqıldı

Yeqinda Oral şähiridä «OCTAGON PROMOTİON» promouter şirkiti Ğärbiy Qazaqstan vilayiti hakimiyitiniŋ qollap-quvätlişi bilän sportniŋ arilaş yäkmu-yäk türi (MMA) boyiçä häliqara turnir bolup štti. Uniŋğa «BLSG ROUP» şirkiti hamiyliq qildi.

Raşidäm RÄҺMANOVA,
«Uyğur avazi»

Oral şähiri künigä beğişlanğan turnirniŋ täntänilik eçiliş märasimiğa şähär hakimi Abat Şınıbekov iştrak qilip, sportçilarğa utuq tilidi häm bu oyunlarniŋ başqimu kšpligän yaşlarniŋ sağlam hayat tärizini boyiğa siŋdürüşigä säväp boluşidin ümütlinidiğanliğini eytti.
Mäzkür turnirğa Rossiya, Ukraina, Ärmänstan, Qirğizstan, Özbäkstan vä Qazaqstandin palvanlar, җümlidin Almuta vilayitidin Ämgäkçiqazaq nahiyäsigä qaraşliq Ämgäk yezisiniŋ turğuni Kärim Rozibaqievmu qatnaşti.
Arilaş yäkmu-yäk hüniri härtäräplimä täyyarliq vä җismaniy çiniqişni täläp qilidu. Özini «Beybarıs» däp atiğan 19 yaşliq Kärim 93 kg. salmaq kategoriyasi boyiçä ğärbiyqazaqstanliq Evgeniy Nazarov bilän finalda küç sinaşti. 12 yeşidin sport bilän üzmäy şuğullinip kelivatqan uyğur jigiti räqivini nokautqa çüşirip, ğalibiyät qazandi.
Mana moşundaq utuq bilän yeziğa qaytqan Kärimni momisi Raziyäm, ata-anisi Pärhat vä Nafisa bilän billä ustazliri vä jutdaşliri kütüvaldi. Ämgäk ottura mäktiviniŋ ilmiy mudiri Mädi Qağazbaev, Kärimniŋ ustazliri Bolat Nurğaziev vä Altın Atantaeva, jutniŋ jigitbeşi Taşmähämät Һüsäyinov, Hanim-qizlar keŋişiniŋ räisi Tursunay Sopieva, «Nur-Agro» җavapkärligi çäklängän yoldaşliğiniŋ mudiri Kärim Hudaybärdiev, mäşiqländürgüçisi Muqan Yaşmanov vä başqilar jutdişini novättiki ğalibiyiti bilän täbrikläp, uniŋğa atiğan soğilirini tapşurdi.
Kärim – bovisi Һeziz bilän momisi Raziyämniŋ qolida çoŋ boldi. Bala tuğulğanda uniŋ dadisi Pärhat «Nur-Agro» ҖÇYda işligän ekän. Yoldaşliqniŋ mudiri, fizik-alim Kärim Qurvanoğli ailiniŋ bu hoşalliğiğa çin jürigidin hoşal. Çünki baliniŋ ismini Baltabay yeza okrugida 20 jil oşuq vaqit dehançiliq qilivatqan, yeziğa härdayim hamiyliq qilip kelivatqan Kärim akiniŋ hšrmitigä “Kärim” däp ataptu. Bova häm mominiŋ tärbiyisini alğan bala mäktäptimu yahşi oquydu.
Kärim Rozibaqiev 12 yeşidin sport bilän şuğullinişqa başlaydu. Yaş çeğida çaŋğu sporti bilän şuğullinip, Keŋäş İttipaqi komandisiniŋ tärkividä häliqara musabiqilärgä qatnişip, çempion atalğan Kärim Hudaybärdiev bu qetimmu ailiniŋ yenidin tepilidu. Kiçik Kärimgä yol-yoruq kšrsitip, talliğan yolidin qaytmasliğiğa mäslihät beridu. Tirişçan bala ikki jilniŋ içidä sport mahirliğiğa namzat atilidu. Üç märtä Ämgäkçiqazaq nahiyäsiniŋ çempioni, Almuta vilayitiniŋ çempioni, җumhuriyätlik vä häliqara turnirlarniŋ, «Arstan» turniriniŋ ikki märtä çempioni atilidu.
Kärim Rozibaqiev İşiktä gumanitarliq-ihtisadiy kolledjiniŋ täntärbiyä muällimlirini täyyarlaydiğan fakul'tetiniŋ İİİ kursida oquydu. U şähsiy utuqliri bilänla çäklinip qalmay, keläçäktä šzi ohşaş çempion balilarni tärbiyiläşni arman qilidu.
Ämgäkçiqazaq nahiyäsi.

Bälüşüş

Javap qalduruŋ