Paytähttä III җumhuriyätlik imamlar forumi bolup štti

0
23 ret oqıldı

“Rohiy qädriyätlär – җämiyät birliginiŋ asasi” mavzusida štkän forum işiğa Prezident Mämuriyitiniŋ rähbiri Erlan Qoşanov, Prem'er-ministrniŋ orunbasari Berdibek Saparbaev, ähbarat vä җämiyätlik razimänlik ministri Däuren Abaev, Qazaqstan Musulmanliri diniy başqarmisiniŋ räisi, aliy mufti Serikbay qajı Oraz, teologlar, alimlar, diniy šlimalar qatnaşti.
Forum qatnaşquçiliriğa Qazaqstan Җumhuriyitiniŋ Prezidenti Qasım-Jomart Toqaev täbrik hät ävätti, uni Prezident Mämuriyitiniŋ rähbiri Erlan Qoşanov oqup bärdi.
“Silärni än°änigä aylanğan forumniŋ eçilişi bilän täbrikläymän! Ählaqiy süpätlärni tärğip qiliş arqiliq an-säviyäniŋ şäkillinişigä täsir qiliş, vätänpärvärlik uqumini siŋdürüş – aliyҗanap vä җavapkärlik iş”, deyilidu Dšlät rähbiriniŋ täbrigidä.
Qasım-Jomart Toqaev islam dininiŋ ählaqiy-mädäniy qädriyätliriniŋ mämlikät musulmanliri üçün birläştürgüçi amil bolup hizmät qilivatqanliğini täkitläp, imamlarniŋ yaşlarni tärbiyiläş işidiki rolini alahidä atap kšrsätti vä rohaniylarniŋ ahali arisida mäniviy-aqartiş işlirini davamlaşturuşi keräkligini qäyt qildi.
Jiğilğanlarni şundaqla ähbarat vä җämiyätlik razimänlik ministri Däuren Abaev täbrikläp, mäzkür çarä-tädbirniŋ muhim ekänligini täkitlidi vä imamlarniŋ җämiyät birligini saqlaştiki roliğa vä qoşuvatqan hässisigä tohtilip štti. Ministr şundaqla rohaniylarniŋ vaqit bilän täŋ qädäm besip, birinçi novättä, yaşlarniŋ bir tilda sšzlişişi keräkligini atap kšrsätti.
Däuren Abaev rohaniylarniŋ vä umumän Diniy başqarminiŋ işidiki birnäççä asasiy punktlarni alahidä täkitlidi. Mäsilän, ministr, aqartiş işini җanlanduruşniŋ zšrür ekänligini, sağlam hayat tärizini tärğip qilişniŋ muhimliğini täkitläp, imamlarni ahali arisida maliyä җähättin savatliq boluş, mäbläğni mähsätçanliq paydiliniş mavzulirini pat-pat kštirişkä çaqirdi.
İdarä rähbiri şundaqla ikki muhim päytni alahidä atap kšrsätti. Uniŋ sšziçä, yeza yärliridä işlävatqan imamlarni maliyä җähättin täminläş mäsilisi qarilivatidu. Ministr şundaqla imamlarni šz mäbliği hesaviğa meçit seliş hahişini bildürüvatqanlarğa yol, mäktäp, kšrük selişniŋmu sovapliq iş bolup hesaplinidiğanliğini äslitip qoyuşqa çaqirdi.
İkkinçi mäsilä imamlarniŋ kvalifikatsiyasini aşuruşqa munasivätlik. Bu mäsilini häl qiliş üçün “Nur-Mubaräk” universitetiğa bšlünidiğan grantlar sani kšpäytilidu. Uniŋdin taşqiri ministr ammiviy ähbarat vasitiliridä än°äniviy qädriyätlärni tärğip qilişni küçäytişkä çaqirip, mufti qobulhanisini eçişni täklip qildi.
Forumda şundaqla Qazaqstan Musulmanliri diniy başqarmisiniŋ räisi, aliy mufti Serikbay qajı Oraz sšzgä çiqti.
Aliy mufti šz sšzidä zalda oltarğanlarğa rohaniylarniŋ җämiyätniŋ aŋ-sezimini şäkilländürüştiki rolini äslitip štti vä hämmisini vaqit bilän billä šzgirişkä, härikätçan, paaliyätçan boluşqa çaqirdi.
– Bizniŋ asasiy qädriyitimiz – häliqniŋ hatirҗämligi, birlik vä turaqliqliq. Biz moşu äŋ qimmät bayliqni saqlap qelişqa hässä qoşuşimiz keräk!
Şanliq hšҗҗät – “Yättä rohiy tayanç” hšҗҗitiniŋ qobul qilinişi forumdiki çoŋ vaqiä boldi.
– Mäzkür hšҗҗät härbir musulman qälbidä orun alidiğan yättä asasiy ählaqiy süpätlärni šz içigä alidu. Җümlidin u işänçä, vätänpärvärlik, ämgäksšygüçlük, mädäniyät vä adalätlik printsipliriğa ämäl qilişqa qaritilğan. Vätänni taşqi vä içki hovuplardin qoğdaş musulman üçün mäҗburiyät bolup hesaplinidu. Vätänpärvär päqät sšz yüzidila ämäs, bälki ämäliyattimu ülgä boluşi şärt, – däp täkitlidi Qazaqstan Musulmanliri diniy başqarmisi räisiniŋ orunbasari Naurızbay qajı Tağanulı.
Uniŋ pikriçä, “Yättä rohiy tayanç” hšҗҗiti hämmisi üçün yahşi misal boluşi keräk.
Ahirida şuni qoşumçä qilimizki, forumğa qatnişiş üçün mämlikätniŋ җay-җayliridin 500 rohaniy käldi. Һärhil yaştiki šlimalar muhim mäsililärni muhakimä qildi. Ular yeŋi hšҗҗät, yeŋilanğan bilim mäzmuni bilän qurallinip, izgülük vä şäpqätlik tärğibatçisi boluş üçün šzliri paaliyät elip berivatqan җaylarğa atlandi.

Bälüşüş

Javap qalduruŋ