Muällimniŋ hayatimdiki roli

0
46 ret oqıldı

Mäktäpkä däsläpki qetim barğinimda apam bilän dadam maŋa: «Mana, ändi mäktäp silärniŋ ikkinçi šyüŋlar, muällimiŋlar ikkinçi ata-anaŋlar» degän edi.
Yoruq duniyada tämtiläp maŋğinimizda ata-anam yetäkligän bolsa, bilim duniyasida muällimim yetäkläp maŋdi. Bir sinipta jigirmidin kšp oquğuçi oqusaq, härbirimizniŋ müҗäz-hulqimu bir-birigä ohşimaydu. Qabiliyitimizmu härhil. Lekin muällim härbirimizni yahşi çüşinidu häm qälbimizdä šçmäs orunğa egä bolidu. Muällim üçün «yahşi bala», «yaman bala» degän bolmaydu. Päqät şagirtlar bolidu. Muällim härbir şagirtiğa bar bilimini, pütkül hayatini beğişlaydu. Eytqiniğa, ügätkinigä šzi ämäl qilidiğan, şagirtiğa härtäräplimä ülgä bolalaydiğan muällimlärniŋ abroy-inaviti nahayiti juquri bolidekän.
Meniŋ muällimim äynä şundaq inavätlik insanlardin. Sinipqa kirişim bilän «Bügün muällimim maŋa nemä ügitidekin?» däp ümüt bilän uniŋğa qaraymän. Şu çağda maŋa qanat pütidu, ilhamlinimän.
«Qandaq muällim bolsa, şundaq oquğuçi, qandaq oquğuçi bolsa, şundaq keläçäk bolidu» deginidäk, hälqimizniŋ, dšlitimizniŋ keläçigini ustaz tärbiyisi bälgüläydu.
Demäk, ustazniŋ qädir-qimmitini addiy sšz bilän yätküzüş nahayiti qiyin. Vätinimiz Qazaqstanniŋ şan-şšhritini keläçäktä duniyağa tonutidiğan şähslär bügünki mäktäp partilirida oltarğan ävlattin uçum bolidu. Därisigä bšlüngän vaqitniŋ tez ayaqlişişini kütkän muällimlärdin ämäs, bilim nuri bilän yol kšrsitäläydiğan muällimlärdin bilim elivatqinim üçün mäğrurlinimän. Bar ğäyriti, vijdani bilän hizmät qilivatqan bilim beğiniŋ bağvänlirigä minnätdarliq bildürgüm kelidu. Ägär män kälgüsidä ularniŋ ämgigigä layiq, vätinimiz Qazaqstanğa hizmät qilalaydiğan insan bolup yetilsäm, muällimlirimniŋ işänçisini aqliğan bolimän. Muällimniŋ qatnişişi bilän štkän härbir kün meniŋ üçün mäyräm!
Dilnaz AZATOVA,
M.Yaqupov namidiki 101-mäktäp-gimnaziyaniŋ
3-sinip oquğuçisi.
Almuta şähiri.

Bälüşüş

Javap qalduruŋ