Millätpärvär gšdäklär

0
85 ret oqıldı

Bähtişat SOPİEV,
«Uyğur avazi»

Yeqinda Almuta şähiriniŋ Dostluq mähällisidiki A.Rozibaqiev namidiki 153-mäktäp-gimnaziyadä štkän «Siz «Uyğur avaziğa» yezildiŋizmu?» namliq oçuq däriskä duç kelip qaldim. Uni mäzkür bilim därgahiniŋ muällimi, 5-«A» sinip yetäkçisi Dilbär Aytahunova uyuşturuptu. Gäp asasän «Uyğur avazi» geziti häqqidä bolup, oquğuçilar milliy näşrimizdä yoruq kšrüvatqan maqalilar häqqidä šz oy-pikirlirini izhar qildi. Bolupmu ularni gezittiki balilarğa beğişlanğan «Һasan-Һüsän» sähipisi qiziqturidekän. Bäzilärniŋ gezitqa maqalä yazğusi kelidekän. «Bala tili — bal» demäkçi, oquğuçilar muällimigä soal degänni yağduruvätti. «Nemä toğriliq yazsaq bolidu?», «Bizniŋ yazğanlirimiz gezitta besilamdu?», «Bügünki oçuq däris toğriliq gezitqa çiqirişqa bolamdu?» degängä ohşaş soallar käyni-käynidin qoyuluşqa başlidi.
– Aldi bilän silär meniŋ monu soalimğa җavap beriŋlar, sšyümlük gezitiŋlarğa yezildiŋlarmu? – soridi muällim.
Siniptiki 25 baliniŋ hämmisi bir avazda «Yezilduq» däp җavap bärdi. Män başta bu çaqçaq boluşi mümkin, däp işänmigändäk qildim. Keyin muällim şkaftin balilarniŋ gezitqa yezilğanliğini tästiqläydiğan kvitantsiyalärni kšrsätti. Şundaq qilip, 25 oquğuçiniŋ hämmisi «Uyğur avaziğa» muştiri boptu. Yezilmiğan täğdirdimu, 5-sinip oquğuçisiniŋ däristin šyigä kelip: «Uyğur avaziğa» yezilayli” deyişiniŋ šzi çoŋ gäp. Äynä şundaq balilirimizni milliy rohta tärbiyilävatqan muällimigimu apirin!

Bälüşüş

Javap qalduruŋ