Altunğa baravär bronza medali

0
1 041 ret oqıldı

Poŋzäk hokkeyi boyiçä Qazaqstan tallanma komandisi duniya çempionatida šz tarihida üçinçi qetim bronza medaliğa sazavär boldi. Bu vaqiä Almutidiki «Medev» mäydanida yüz bärdi.

Yerim finalda bizniŋ jigitlär şvedlarğa qarşi oynidi. Alahidä täkitläş keräkki, hokkeyçilirimiz moşu uçrişiş ayaqlişidiğanğa bäş minut qalğiçä 4:2 hesavi bilän alda kelivatatti. Biraq ahirqi minutlarda täşäbbusni qoldin berip qoyup, nätiҗidä helä täҗribilik hesaplinidiğan şvedlar hesapni täŋläştürüşkä muvappäq bolalidi. Reglament boyiçä bälgülängän qoşumçä ikki taymmu ğaliplarni eniqlalmidi. Ändi penal'tida bolsa, Şvetsiya hokkeyçiliriğa amät külüp beqip, ular finalğa yollanma aldi. Täkitläş keräkki, bizniŋ jigitlär näq şu küni äŋ yahşi oyun däriҗisini kšrsitälidi.

İkkinçi yerim finalda rossiyaliklär Finlyandiya komandisi üstidin 6:4 hesavi bilän ğalibiyät qazandi.

Yerim finaldiki uçişişlar toğriliq gepimizni moşu yärdä tohtatsaqmu bolatti, biraq çempionatta orun alğan maҗra toğriliq pikrimizni bildürüp štmisäk bolmas. Gäp şuniŋdiki, Qazaqstan — Şvetsiya tallanma komandiliriniŋ uçrişişida mehmanlar tärkividä moşu matçta mäydanğa çiqişi şärt bolğan hokkeyçilar tizimiğa kirgüzülmigän Daniel' Mossberg oyun kšrsätkän. Täbiiyki, bizniŋ komanda mäzkür faktqa bağliq räsmiy naraziliq bildürdi. Şundaq qilip, uçrişişniŋ üzül-kesil täğdirini Häliq ara bendi federatsiyasiniŋ (FİB) tehnikiliq komiteti häl qildi.

FİB prezidenti rossiyalik Boris Skrınnik çempionat reglamentiğa ämäl qilişni täläp qildi, yäni uniŋ pikriçä, Şvetsiya komandisiğa tehnikiliq mäğlubiyät berilip, finalğa Qazaqstan tallanma komandisi çiqişi keräk edi. Biraq FİBniŋ tärkividä ikki şved vä bir gollandiyalik bolğan tehnikiliq komiteti mundaq ähvalni «Tre krunur» mäşiqländürgüçisiniŋ tehnikiliq «kamçiliği», «mämuriy hataliq» däp tepip, oyun nätiҗisini šzgärtmigän petiçä qaldurdi vä şuniŋ arqiliq şvedlarni finalğa çiqardi. Şvetsiya Bendi federatsiyasi bolsa, 2500 evro җäriman tšläydiğan boldi.

Äslidä här qandaq sport musabiqilirida bu hildiki «hataliq-kamçiliqlar» üçün komandilar finalğa yollanma eliş bu yaqta tursun, ularniŋ barliq ğalibiyätliri, alğan payliri män°iy qilinatti. Biraq bu qetimda undaq bolmay çiqti vä biz yerim finalni ikki qetim utturup qoyduq.

Ändi üçinçi orun üçün Finlyandiya sportçiliri bilän uçrişişqa kälsäk, u bizniŋ jigitlärgä häm җismaniy, häm psihologiyalik җähättin eğir kelişi keräk edi. Uniŋ säväplirimu aydiŋ. Birinçidin, yerim finalda şvedlar bilän 110 minut oyniduq. İkkinçidin, FİB tehnikiliq komitetiniŋ Şvetsiya tallanmisini yaqlap qarar çiqirişi. Finlar bolsa, yerim finalda Rossiya komandisi bilän štküzgän uçrişişta qoşumçä taymni oynimidi, demäk, bizniŋ jigitlärgä qariğanda tšrt saat (çoŋ musabiqilarda här bir päyt-saatniŋ çoŋ rol' oynaydiğanliği hämmisigä mälum bolsa keräk) oşuq däm aldi.

Biraq şuni mämnuniyät bilän tilğa elişqa ärziyduki, qazaqstanliq hokkeyçilar çempionatniŋ moşu däriҗidiki mukapiti üçün šzliriniŋ burundin kelivatqan räqipliri aldida häqiqiy oyun maharitini, җäŋgivarliq rohini kšrsitälidi. Nätiҗidä Vyaçeslav Bronnikov, Rauan İsaliev, Sergey Poçkunov, Vyaçeslav Markin, Leonid Bedarev, Dmitriy Zavidovskiy alahidä mahariti bilän kšzgä çüşüp, ularniŋ üstidin 10:5 hesavi bilän ğalip çiqti vä šz tarihida üçinçi qetim bronza medaliğa erişti. Mundaq ähvalda üçinçi orunni egiliginimizgä hoşal bolğaç, ägär FİBniŋ tehnikiliq komiteti sport printsipliriğa ämäl qilğinida, äŋ bolmiğanda, sšzsiz kümüç medal'ğa sazavär bolattuq, däp äpsusliniştin başqa amalimiz yoq.

Finalda bolsa, Rossiya — Şvetsiya tallanma komandiliri uçraşti. Uniŋda rossiyaliklär pütkül matç davamida hesap boyiçä alda kelip, ahirqi minutlarda täşäbbusni qoldin berip qoydi. Buniŋdin ustiliq bilän paydilanğan şvedlar 5:4 hesavi bilän ğalip çiqip, çempionatniŋ altun medalini yeŋivaldi.

Şundaq qilip, җumhuriyitimizdä štküzülgän poŋzäk hokkeyi boyiçä däsläpki duniya çempionati ayaqlaşti. Älvättä, uniŋ qandaq uyuşturulğanliği vä sud'yalarniŋ šz väzipisini qandaq orunliğanliği toğriliq bahani mutähässislär beridu. Bizçä bolğanda, äŋ muhimi, bu qetimqi birinçiliktä bizniŋ jigitlärniŋ yahşi oyun däriҗisini, җäŋgivarliq müҗäzini kšrsitäligini. Şundaq ekän, ular yeŋivalğan bronza medalini, bir işqivaz orunluq täripligändäk, altunğa baravär bronza medali desäk, aşurup eytqanliğimiz ämäs.

Şšhrät MÄSİMOV.

 

Bälüşüş

Javap qalduruŋ