Kitap oqup, oyumizni tüzäyli

0
137 ret oqıldı

Bukkrossing atalğusi (angl.BookCrossing) «kitap almaşturup» oquş degän mänani bildüridu. Mana moşundaq «bukkrossing usuli» hazir mäktäplärdä, kitaphanilarda, balilar vä çoŋlar däm alidiğan orunlarda, ağriqhanilarda ammiviy tüs almaqta. Uyğur nahiyäsiniŋ Tügmän yezisidiki uyğur ottura mäktividimu «Bukkrossing buluŋi» uyuşturulup, muällimlär, oquğuçilar šyliridin härhil mäzmundiki, yäni balilarniŋ yaş šzgiçiligigä muvapiq kitaplarni elip kelip buluŋğa qoyidu. Kitaphumarlar ularni ikki küngä oquşqa elip, oqup bolğandin keyin, ularni yänä şu buluŋğa qoyidu vä moşundaq kitap almaşturup oquş härikiti davamlişidu.
Oqurmänniŋ kitap oquş mädäniyiti oqulğan kitapniŋ sani bilän ämäs, bälki mäzmun vä süpiti arqiliq šlçinidu. Kitaphanniŋ u-bu kitaplarni qançilik mäzmunluq oquğinini eniqlap biliş üçün, eyiğa bir baş qoşup, bäs-munazirä uyuşturulidu. Andin oqurmän kündiligi, oquğan kitap muällipi, kitap nami, qisqiçä mäzmuni, ideyasi, asasiy qährimanliri vä, älvättä, šziniŋ şähsiy pikrini yezip, uni zalğa ilip qoyidu. U muällimlärgimu täälluq, sinip bolup riqabätkä çüşimiz. Siniplar härhil usulda šzliriniŋ oquğan äsärlirini tonuşturidu. Şu kitaplar mäzmuni boyiçä qoyulumlar kšrsitilip, rässamlar qisqiçä illyustratsiyalik räsimlärni sizidu vä ular šz kšzqarişini bildürüp, tählil qilip, baha beridu.
Mana moşundaq usullar arqiliq biz mäniviy yeŋiliniş, «100 kitap» layihisini qolğa alduq.
Kitap – adämniŋ mäniviy ozuği. Kitap – tuğulğan yärniŋ, kişilärniŋ tuğulğan jutniŋ qädir-qimmitini aşuridiğan yeqin yardämçisi. Kitap – äqil oyuni, sšz bayliğini aşurup, oquş mädäniyitini qeliplaşturidu. Kitap oquvetip, danalirimizniŋ tšvändiki qimmät sšzlirini, pikirlirini kündiligimgä türtivaldim. D.Didro «Kitap oqumiğan adäm heçnärsä oylimaydu» degän pikirni alğa süridu. Rus yazğuçisi M.Gor'kiy «Män šz boyumdiki barliq yahşi hususiyätlirim üçün kitapqa qärizdarmän» däp eytsa, uluq nemis yazğuçisi Gete «Һärbir aŋliq adäm kitap oquşniŋ qançilik eğir ekänligini bilidu. Män buniŋğa 80 jilliq šmrümni beğişlidim, biraq “bildim, ügändim” däp toluq eytalmaymän», däp täkitläydu.
Demäk, kitap oquştin qalsaq, oylaştinmu qalimiz. Şuŋlaşqa, dostlar, kitap oqup, oyumizni tüzäyli. Bukkrossingniŋmu mähsiti şu.
Mälikä MANİROVA,
Tügmän uyğur ottura mäktiviniŋ 8-sinip oquğuçisi.
Uyğur nahiyäsi.

Bälüşüş

Javap qalduruŋ