Märkäz hesavat bärdi

0
96 ret oqıldı

Yeqinda Ämgäkçiqazaq nahiyäsiniŋ Qäynäzär yezi­sidiki Mädäniyät šyidä nahiyälik Uyğur etnomädäniyät märkiziniŋ hesavat jiğini bolup štti.  Uniŋğa nahiyäniŋ barliq jigitbaşliri, aqsaqallar, hanim-qizlar vä yaşlar keŋäşliriniŋ räisliri vä äzaliri qatnaşti.

Raşidäm RÄҺMANOVA,
«Uyğur avazi»

Jiğinni nahiyälik Uyğur etnomädäniyät märkiziniŋ räisi Sulayman Mähsütov eçip, uniŋ mähsitigä tohtaldi. Andin räisniŋ orunbasari, nahiyälik Hanim-qizlar keŋişiniŋ räisi Nurbüvi Qasimova bir jil boyi ämälgä aşurulğan işlar häqqidä hesavat bärdi.
– Ämgäkçiqazaq nahiyälik Uyğur etnomädäniyät märkizi jumhuriyätlik Uyğur etnomädäniyät märkizi tärkividä җumhuriyätlik, vilayätlik vä nahiyälik mädäniy çarä-tädbirlärdä paaliyätçanliği bilän kšzgä kšrünüp kälmäktä. Mäsilän, yeqinda Almuta vilayätlik Qazaqstan hälqi Assambleyasiniŋ häm җumhuriyätlik Uyğur etnomädäniyät märkizi Almuta vilayätlik şšbisiniŋ uyuşturuşi bilän Taldiqorğan şähiridiki «Dostluq šyidä» «Ruhani jaŋğıru: täuelsiz Qazaqstannıŋ tarihi wstanımı» forumi dairisidä štkän Uyğur mädäniyiti festivalida Bayseyit vä Malivay yeziliriniŋ hanim-qizliri juquri paaliyätçanliq tonutup, nahiyämizniŋ şänini egiz kštirip, millitimizniŋ qädriyätlirini namayiş qilip käldi. Şuniŋğa munasivätlik märkäz rähbärligi, җämiyätlik işlarniŋ aktivistliri namidin ularğa rähmitimizni eytimiz, – dedi Nurbüvi Märüpqizi.
Natiqniŋ täkitlişiçä, mädäniyät märkizi tärkividiki җämiyätlik işlar aktivistliri täripidin biyil nurğunliğan yahşi çarä-tädbirlär ämälgä aşqan. Urpi-adätlirimizni rivaҗlanduruş bolsun, maarip vä mätbuat mäsililiri bolsun, helila ilgiriläşlär yüz bärgän. Җämiyät hayatiniŋ barliq sahalirida millitimiz väkilliri hizmät qilip, elimiz täräqqiyatiğa birkişilik hässisini qoşup kälmäktä. Märkäz çarä-tädbirlirini Elbasınıŋ «Ruhani jaŋğıru», Qazaqstan Җumhuriyitiniŋ Prezidenti Qasim-Jomart Toqaevniŋ «Konstruktiv җämiyätlik dialog – Qazaqstanniŋ turaqliqliği vä güllinişiniŋ asasi» Mäktübi asasida ämälgä aşuruvatidu. Än°äniviy mäyrämlärdin başqa biyil nahiyädä däsläpki uyğur käspiy kompozitori Quddus Ğoҗamiyarovniŋ 100 jilliği, «Gülçay», «Һosma qoyuş mädäniyiti» ohşaş märasimlarni uyuşturup, millitimizdin çiqqan sän°ät, mädäniyät adämlirini käŋ tonuşturduq. “Yaşlar jili” dairisidä härbir okrug vä yezida yaşlar komitetliri qurulup, maarip, sport vä sän°ät sahalirida işlar җanlinivatidu. Mäsilän, Täşkänsazda Zulfira Niyazova «Dilnaz» ussulçilar ansamblini qurup, Täşkänsaz vä Amangeldi yeziliriniŋ baliliriğa milliy ussullarniŋ qir-sirini ügitivatidu.
Nahiyä aktivistliri häyrihahliq işlirinimu yahşi qolğa aldi. Mäsilän, yeqinda Azatta häyrihahliq fondi quruldi. Fondniŋ uyuşturuşi bilän häyrihahliq kontsertlar uyuşturulup, birnäççä ağriq baliniŋ davalinişi üçün mäbläğ jiğildi.
Nurbüvi Märüpqizi maarip mäsilisigimu täpsiliy tohtaldi. Yeza-yezilardin elinğan mälumatlar boyiçä, nahiyäniŋ 16 mäktividiki uyğur sinipliriniŋ 1-sinipiğa 320 bala barğan. Qaraturuq – 23, Malivay – 45, Bayseyit – 74, Kenjebaev namidiki mäktäp (Çeläk) – 9, M.Ävezov – 8, Qoram – 19, Dehan – 5, A.Rozibaqiev – 27, Avat – 10, Amangeldi – 9, Täşkänsaz – 14, Bayandayda – 10 bala 1-sinipqa qädäm täşrip qilğan. Qalğanliri täyyarliq topida. Qoşumçä qiliş lazimki, uyğur sinipliriniŋ oquğuçiliri nahiyälik, vilayätlik, hätta häliqara konkurslarğa qatnişip, mukapatliq orunlardin kšrünüp kälmäktä.
Nurbüvi Qasimova muştiri toplaş mäsilisigimu tohtilip, «Uyğur avazi» gezitiniŋ yenida qurulğan ştab äzaliriniŋ bügünki kündä tonutuvatqan paaliyätçanliğini atap štti. Biyil muştirilar saniniŋ burunqidin mümkinqädär nurğuniraq bolidiğanliğiğa işinidiğanliğini bildürdi.
Andin nahiyälik Uyğur etnomädäniyät märkizi räisiniŋ orunbasari Maydin Abdullaev Çeläk regionida ämälgä aşqan işlarğa tohtaldi. Maydin Varisoğli asasän tänqidiy oy-pikirlirini izhar qilip, yaşlarni tiҗarätçilik bilän şuğullinişqa, ahali turmuşini yahşilaş üçün tüzülgän dšlät programmiliridin orunluq paydilinip, «iş yoq» däp şikayät qilmay, bir işniŋ peşini tutuşni üginişkä çaqirdi.
Ämgäkçiqazaq nahiyäsiniŋ çoŋ jigitbeşi Rehimҗan İbdiminov Q.Jüsüpov yezisi turğunliriniŋ täşäbbusi bilän başlanğan Ğeni baturniŋ yadikarliğini җiddiy remonttin štküzüş işliri ätrapida sšzlidi.
Gezithanlar yadiğa salimizki, biyil 5-iyul' küni Keŋäş İttipaqiniŋ Qährimani Jüsipbek Qayıpov namidiki yeziniŋ çetidä, Uluq İpäk yoliniŋ boyida uyğur hälqiniŋ qährimani – Ğeni baturniŋ häykili yenida Qazaqstan yeza okruginiŋ mutähässisi Äzimҗan Aliev, Asimҗan İlahunov qatarliq yaşlarniŋ täşäbbusi bilän çoŋ jiğin vä näzir štüp, qäbirstanliq ätrapini җiddiy remonttin štküzüş mäsilisi kštirilgän, biraz vaqittin keyin bolsa, bu işlarmu ämälgä eşişqa başlanğan edi. Şu vaqittiki hesap bilän yadikarliqni äsligä kältürüş işliriğa altä million täŋgä haҗät edi. Mäbläğ yadikarliqni җiddiy җšndäştin štküzüş, ätrapini rätkä kältürüş, näzir vä mitinglarni štküzüş üçün üstäl vä orunduqlarni orunlaşturuş üçün särip qilinişi lazim edi. Çoŋ jigitbeşiniŋ täkitlişiçä, bu aliyҗanap iş pütkül җumhuriyät dairisidä halliq tiҗarätçilär vä җamaätçilikniŋ salmaqliq maddiy yardimi bilän ämälgä eşivatidu. Rehimҗan İbdiminov yadikarliq ätrapidiki җismaniy işlarni «bir yaqidin baş, bir yäŋdin qol çiqirip» atquruvatqan qerindaşlirimizğa raziliğini bildürüp, buniŋdin keyinmu moşundaq šmlük häm birliktä iş tutuşqa dävät qildi.
Andin Sulayman Şämşidinoğli jiğinni yäkünläp, jiğilğan kšpçilikni Nurbüvi Qasimova vä Maydin Abdullaevniŋ Ämgäkçiqazaq nahiyälik Uyğur etnomädäniyät märkizi räisiniŋ İşiktä vä Çeläk regionliri boyiçä vä uzun jillar nahiyälik çoŋ jigitbeşiniŋ orunbasari hizmitini atqurğan Üsänҗan Abdrahmanovniŋ jigitbaşliri bilän işläş yšnilişidiki orunbasari bolup qayta saylinişi häqqidiki qararini elan qildi.

Ämgäkçiqazaq nahiyäsi.

Bälüşüş

Javap qalduruŋ