Tarihiy qarar qobul qilinğan bena

0
226 ret oqıldı

Mäzkür benada Mustäqillik elan qilinğan – hazirqi kündä bu tarihiy bena qandaq ähvalda? 1991-jili 16-dekabr'da Elbası Nursultan Nazarbaev “Qazaqstan Җumhuriyitiniŋ Dšlät mustäqilligi toğriliq” Konstitutsiyalik qanunni imzalidi. Tšvändä mämlikät üçün muhim bolğan qarar qobul qilinğan bena häqqidä hekayä qilinidu.
Bena Almutiniŋ tarihiy märkizigä orunlaşqan – uniŋ baş fasadi häliq arisida “Kona mäydan” däp atilidiğan “Astana” mäydaniğa çiqidu. Benaniŋ seliniş tarihi qiziqarliq, Qazaq SSR hškümiti üçün bena quruluşi 1938-jili başlanğan, lekin uruş jilliri u tohtitildi. 1957-jili quruluş işliri ayaqlaşti, ändi 1972-jili bolsa, asasiy benaniŋ ikki täripigä yänä qoşumçä bena selindi. Däsläp bu benağa Aliy Keŋäş, Ministrlar Keŋişi vä Qazaq SSR Kommunistik partiyasiniŋ märkiziy komiteti orunlaşti, ahirqisi 1980-jili yeŋi benağa kšçti. Qazaqstan mustäqillik alğandin keyin gäp boluvatqan benağa Almuta vilayitiniŋ hakimiyiti orunlaşti.
2001-jili bena Qazaqstan – Britaniya tehnikiliq universitetiğa berildi. (KBTU). 2016-jil KBTU benasiniŋ temiğa “Qazaqstan Җumhuriyiti dšlät mustäqilligi toğriliq” Konstitutsiyalik qanuni qobul qilinğan җay” däp yezilğan tarihiy tahtiniŋ ornitilğanliğiğa beğişlanğan täntänilik märasim bolup štti.
Universitetniŋ PR-menedjeri Diaz Abılkasovniŋ täkitlişiçä, aliy oquş orniniŋ ilgärki oqutquçiliri hazir hšrmätlik däm elişta bolsimu, ulardin bena tarihi häqqidä helä kšp närsilärni bilip ülgärgän. Ötkän jili yazda hamiylarniŋ mäbliği hesaviğa benaniŋ märkiziy zali qayta җšndäldi.
Vätinimizniŋ tarihiy täğdiri qobul qilinğan zalni yeŋilaşqa bir aydin oşuq vaqit kätti. “Biz barliq reglamentlarğa ämäl qilduq, çünki bena tarihiy yadikarliq süpitidä dšlät qarimiğida saqlinidu. Äŋ asasi, biz kommunikatsiya işlirini ämälgä aşurduq: benani issitiş, havasini tazilaş almaşturuldi, yeŋi avaz sistemisini ornattuq, çünki hazir bu yär mäҗlislär zali ämäs, studentlarniŋ çarä-tädbirlirigä beğişlanğan җay. Benani yorutuş inşaätliri almaşturuldi, barliq lyustrilar ilgärki petiçä ornida qaldurulup, yeŋi svetodiodluq lampoçkilar qoyuldi. Parket yaŋlivaştin siliqlandi”, däydu Diaz Abılkasov.
Dükläk zalniŋ çediriğa KBTU işläp çiqqan quyaş batareyaliri ornitildi. Bu zalni yorutuş ehtiyaҗini toluq “yepişqa” imkaniyät yaratti. “Dügläk zaldiki orunduqlarniŋ qepi toluği bilän almaşturuldi. Orunduqlar qatarliri deputatlar üçün mähsus alaqä vasitiliri bilän җabdulğan, lekin ularniŋ heçqaysisi işlimäydekän, biz ularni üstidin yağaç qaplar bilän yepivättuq”, däydu sšhbätdişimiz.
Benaniŋ ikkinçi qävitidä birnäççä kona orunduq šziniŋ däsläpki qelipida saqlinip qaptu. Aliy Keŋäşniŋ deputatliri Mäҗliskä Qazıbek bi koçisidin (ilgärki Sovetskiy) kirgän. Һazirqi kündä bu yär aliy oquş ornini tamamliğan studentlarniŋ alleyasi. Benaniŋ koridorlirida keŋäş dekoriniŋ elementliri, kona çiraqlar, derizilär saqlinip qalğan. Öz vaqtida Qazaq SSR Kommunistik partiyasi birinçi kativiniŋ yardämçiliri vä küzätçiliri orunlaşqa bšlmilärniŋ biridä hazir KBTU Häliqara ihtisat mäktiviniŋ dekani, professor Geyvin Kretçmar oltiridu. “Bir vaqitlarda Qazaq SSR Kommunistik partiyasi Märkiziy Komitetiniŋ birinçi Kativi Dinmuhammed Qonaev işligän bšlmidä oltirimän. Äsli Şotlandiyadin bolimän. Män šzämni muzeyda ämgäk qilivatqandäk his qilimän. Biz häliqara ihtisat mäktividä hoşna zalni London uslubida beziduq, u “London root” däp atalsa, ilgiri Qonaevniŋ bšlmisi bolğan zalğa “Kunaev room” degän namni bärduq. Ämäliyatta bu zallar mustäqillik toğriliq qarar qobul qilinğan zaldin bir pälämpäy tšvän turidu. Umumän alğanda, mustäqillik toğriliq qarar moşu benada qobul qilinğan. Şundaq ekän, uniŋ tarihiy ähmiyiti bebahadur. Bu yärdä biz keŋäş Qazaqstaniniŋ mustäqillikkä qädäm taşliğan tarihiy җayida turimiz”, däydu professor.
U Qazaqstandiki ämgigi toğriliq gäp qilip, qazaqstanliq studentlarniŋ juquri däriҗisigä alahidä tohtaldi. Şuni qoşumçä qiliş keräkki, Geyvin Kretçmar vä uni ailisi qazaqstanliq rässamlarniŋ sürätlirini toplaş bilän şuğullinidekän. Qazaqstan Kommunistik partiyasi Märkiziy Komiteti birinçi kativiniŋ bšlmiliriniŋ biri – hazir äşu dävirniŋ häritisi saqlinivatqan auditoriyalärniŋ biri. Aşhana ilgärki petiçä šz җayida qaldi. Lekin uniŋ inter'eri helila šzgärtilgän.
Şuni qoşumçä qiliş keräkki, paytähtni Almutidin Astanağa kšçiriş toğriliq qararmu moşu benada qobul qilinğan.

Bälüşüş

Javap qalduruŋ