BMT tapşuruş başlandi

0
41 ret oqıldı

Bügün qazaqstanliq täläpkarlar häq tšläp Birtutaş milliy test tapşuruşni başlidi. U 20-yanvar'ğiçä davamlişidu.

Milliy testlaş märkizidä hävär qilişiçä, 95 miŋdin oşuq adäm emtihanğa qatnişiş ärizisini bärdi. Emtihan bahasi – 2,2 miŋ täŋgä.
Täläpkarlar üçün emtihan tapşuridiğan 99 märkäz täyyarlandi. 820 auditoriya mobil'liq tarmaqni besiş qurulumliri bilän җabdulup, kamerilar bilän täminländi. Alahidä täläpkä egä balilarğa surdotärҗimanlar yardäm qilidu.
Emtihanniŋ adil tapşuruluşini onlayn tärtiptä bayqaşqa bolidu – härbir auditoriyadä videobayqaş ekranliri ornitildi. Buniŋdin härbir qazaqstanliq paydilinalaydu. Emtihan tapşuruş җäriyanini bayqiğuçilar nazarätçi rolini oynişimu mümkin – ular Digital agent mähsus qoşumçisi arqiliq qaidiniŋ buzulğanliği toğriliq hävär qilalaydu. Emtihanğa ilgärki jillardikidäk mustäqil bayqiğuçilar, şundaqla mähsus monitoring topliriniŋ äzaliri qatnişidu.
Şuni täkitläymizki, jiliğa tšrt qetim – yanvar' eyidin keyin mart, iyun' vä avgust ayliridimu häq tšläp birtutaş test tapşuruşqa bolidu.
Test nätiҗisi boyiçä täläpkarlar aliy oquş orunliriğa hšҗҗätlirini tapşuralaydu. Mäsilän, pedagogika aliy oquş orniğa çüşüş üçün kam degändä 65 ball toplaş keräk. “Veterinariya” vä “Yeza egiligi vä bioresurslar” mutähässisligigä oquş üçün 60 balldin juquri nätiҗini qolğa kältürüş lazim. “Salamätlikni saqlaş vä iҗtimaiy täminat (meditsina)” sahasidiki mutähässisliklär boyiçä oquşni haliğuçilar kam degändä 65 ballğa, uniŋ üstigä härbir pän boyiçä äŋ bolmiğanda 5 ballğa erişişi keräk. Qalğan barliq mutähässisliklär üçün 50 ball toplaş kupayä.
Ahirida şuni täkitläymizki, iyun'da emtihan tapşuridiğan täläpkarlar grantlarğa ümütkar bolalaydu.

Bälüşüş

Javap qalduruŋ