Ustaz bähti — şagirt hšrmitidä

0
360 ret oqıldı

Ävlat tärbiyisi – muällimniŋ qolida. Uniŋ bähti bolsa, oquğuçiliriniŋ uniŋğa bolğan hšrmitidä.

Raşidäm RÄҺMANOVA,
«Uyğur avazi»

Öz käspigä sadaqät saqlap, pütün aŋliq hayatini bala tärbiyisigä beğişliğan malivayliq Roşän Һaşirova jutdaşliri häm şagirtliriniŋ hšrmitigä bšlängän peşqädäm muällim. Uniŋ hšrmätlik däm elişqa çiqqiniğa talay jillar bolsimu, Roşän aniniŋ šyi şagirtliridin hali ämäs. Şuniŋğa qarap «Ustaz ustaz ämäs, šz şagirti üçün kšymisä, şagirt şagirt ämäs, šz ustazini sšymisä», degän sšzlär näq moşu Roşän İvrayimqizi häqqidä eytilğandu, degän oyğa kelisiz.
Һärqandaq adämniŋ keläçäk käspini tallavelişiğa bälgülük bir adämniŋ säväpkär boluşi täbiiy. Roşän mäktäptä oqup jürginidä ustazi, himiya vä biologiya pänliriniŋ muällimi Rehangül Üzärbekovağa alahidä zoqmänlik bilän qaratti. Çünki Rehangül muällim intayin mahir pedagoglardin edi. Däristä oquğuçiliriniŋ bar diqqitini šzigä pütünläy җälip qilivalatti. Roşän uniŋğa qarap «keläçäktä mänmu Rehangül muällimdäk bolimän» däp arman qilatti.
Baliliq arminini ägäşkän Roşän Yarkänt pedagogika uçiliöesini äla bahalar bilän tamamlidi. Andin šzi oquğan Malivay ottura mäktivigä işqa orunlaşti. İntasi juquri oquğuçisiniŋ ana mäktivigä yaş muällim retidä qaytip kälgänligini çoŋ utuq däp bilgän bilim därgahiniŋ şu çağdiki mudiri Patäm İsrayilova Roşänni nahiyälik bilim bšlümigä yetiläp apirip, tonuşturdi.
Şu jili Roşän muällim däsläpki başlanğuç sinipini šz rähbärligigä aldi. Uşbu sinipqa 36 oquğuçi käldi. Armini ämälgä eşip, muällim atalğan Roşänniŋ beşi kškkä yätti. U härbir baliğa alahidä kšŋül bšlüp, işiğa kirişip kätti. Roşän päqät balilar bilän ularniŋ ata-aniliriniŋla ämäs, bälki mäktäp rähbärliginiŋmu kšŋlidin çiqti. Ändi uniŋğa җavapkär väzipä – eksperimental siniplar bilän işläş tapşurulidiğan boldi. Roşän šzigä jüklängän väzipini abroy bilän atqurdi. Uniŋ ämgigini oquğuçiliri šz bilimi bilän aqlidi. Şu 50 jil burun qoliğa qäläm tutquzğan oquğuçiliriniŋ kšpçiligi mäktäpni älaçi vä zärbidar tügätti. Säkkizi muällim käspini tallavalğan edi, hazir ularniŋ tšrti Malivay ottura mäktividä işläydu.
Roşän Һaşirova här jillardiki mudirliri Patäm İsrayilova, Äbäydullam Manapov, Mähämätҗan Tursunov, ustaz-käsipdaşliri Ärkin Velämov, Gülpäm Qasimova, İbdimin Rozahunov vä başqilar bilän Malivay ottura mäktivini nahiyädiki aldinqi qatarliq bilim därgahliridin boluşiğa tšhpä qoşti.
Roşän muällimniŋ alahidiligi – bir qetimmu işqa keçikmäptu. Uniŋ moşundaq «tärtiplik» boluşi behšddä ämäs. Çünki uniŋ dadisi İvrayim «Mayak» sovhoziniŋ Lenin ordenliq brigadiri bolğan. Apisi Nurbüvi säkkiz baliniŋ tärbiyisidä bolup, ularniŋ boyiğa päqät aliy hislätlärni siŋdürdi.
Roşän aniniŋ yoldişi, heli märhum Hizrullammu sovhozda brigadir bolup işlidi. Ular üç qiz vä bir oğul tärbiyilidi.
Eytmaqçi, biyilqi jilniŋ däsläpki küni Roşän muällim 70 yaşqa käldi. Tävälludiğa munasivätlik u «Wlağattı wstaz» medali bilän mukapatlandi. Adättikidäk, bu küni uniŋ šyi yänä mehmanğa toldi. Malivay ottura mäktiviniŋ ilmiy mudiri, şagirti Räbagül İlişeva rähbärligidä däsläpki sinipida bilim alğan balilardin on yättisi ustaziniŋ quçiğini güllärgä tolturdi. İzgü tiläklirini bildürüp, bärgän bilimi bilän tärbiyisi üçün minnätdarliğini izhar qildi.
Ämgäkçiqazaq nahiyäsi.

Bälüşüş

Javap qalduruŋ