Behätärlik saqçisi

0
2 342 ret oqıldı

Raşidäm RÄҺMANOVA,
«Uyğur avazi»

Buniŋdin 50 jil muqäddäm Çeläk yezisida däsläpki mäşräp qurulidu. Uniŋ äzaliğiğa nahiyä märkizigä җay-җaylardin hizmät babi bilän kälgän adämlär kirgän. Yeşi 80-85 yaşlardiki ular hazir Çeläkniŋ äŋ hšrmätlik mštivärlirigä aylandi. Toy-tškün, näzir-çiraqta tšrdin orun alidu. Şularniŋ biri – behätärlik hizmitiniŋ veterani Nasir Abdrimovtur.

Nasir Yoldaşoğli Abdrimov 1940-jili Uyğur nahiyäsiniŋ Avat yezisida kšpbaliliq dehan ailisidä duniyağa käldi. Uniŋ atisi Yoldaş kolhozniŋ terilğu işlirida işlisä, anisi Gunaräm kolhoz aşhanisida aşpäzlik qildi. Ularniŋ toqquz pärzändi bar edi. Kšp baliliq ailiniŋ uruş jilliridiki tartqan җapasini eytmisaqmu, çüşinişlik. Yoldaş ata bilän Gunaräm aniniŋ baliliri tirişçan bolup šsti. Bolupmu oğli Nasir intayin idräklik, oquşqa bolğan ihtidari juquri edi. U Avat ottura mäktivini äla bahalar bilän tamamlap, ikki jil kolhozda işlidi. 1959-jili Almuta veterinariya institutiğa çüşti. Aliy oquştin keyin Şärqiy Qazaqstan vilayitigä qaraşliq Kurçinsk nahiyäsidiki “Vısokogorskiy” sovhozida bir jil işlidi. Andin šz jutiğa qaytip kelip, Uyğur nahiyälik komsomol komitetida hizmät qildi. Özigä jüklängän väzipilärniŋ hšddisidin abroy bilän çiqidiğan u 1967-jili partiya komiteti täripidin Uyğur nahiyälik Dšlät behätärligi komitetiğa hizmätkä yštkilidu.
Nasir Abdrimov bu yärdä toqquz jil operativ hadim, çoŋ operativ hadim bolup işlidi. Asasän, çegarida, Vätän küzitidä boldi. Andin bir yerim jil Kegän nahiyäsidä hizmät qilip, 1979-jili Çeläk nähiyäsi Dšlät behätärligi komitetiğa avuşturuldi. Çeläkkä kelipla juqurida atalğan mäşräp ähligä qoşuldi. Nahiyäniŋ täräqqiyatiğa tšhpä qoşti. 1991-jili hšrmätlik däm elişqa çiqti.
Qäyärdä işlimisun, šz işiğa çin berilgän, tirişçan, här qandaq tapşurmini orunlaşta vaqitni ünümlük paydilinişni bilgän Nasir Yoldaşoğliniŋ kšpjilliq mevilik ämgigi munasip bahalinip, uniŋğa šz vaqtida SSSR Dšlät behätärlik komitetini başqurğan Yu.Andropovniŋ imzasi çekilgän miltiq täğdim qilinip, kšpligän medal' bälgülär bilän mukapatlandi. Һšrmätlik däm elişqa çiqqandin keyin Nasir aka yänä birnäççä jil ädliyä hadimi bolup işlidi.
Mälumki, Nasir Abrimovniŋ šmürlük җüpti Zäytünäm uniŋ äŋ yeqin mäslihätçisi vä qollap-quvätligüçisi boldi. Uzun jillar Çeläk nahiyälik alaqä bšlümidä hesapçi bolup işligän Zäytünäm hädä Nasir akiğa ikki oğul vä üç qiz hädiyä qildi. Yahşi adämlärniŋ pärzäntlirimu yahşi insanlardin bolup yetildi. Һämmisi aliy oquş orunlirida bilim aldi. Nasir aka bilän Zäytünäm hädä bu künlärdä pärzäntliriniŋ vä 10 nävrisiniŋ yahşiliğini kšrüp, şat-şadiman, hatirҗäm hayat käçürüvatidu.
Ünümlük ämgäk qilip, bähitlik ailä qurup, boyidiki esil hislätliri — kiçikpeyilligi häm kämtarliği tüpäyli җämiyät, ağinä-šŋgä, uruq-tuqqan arisida izzät-hšrmätkä egä bolğan Nasir Abrimov bu künlärdä šziniŋ şanliq 80-baharini qarşi elivatidu. Şu munasivät bilän uniŋğa mustähkäm salamätlik vä uzaq šmür tiläymiz.

Ämgäkçiqazaq nahiyäsi.

Bälüşüş

Javap qalduruŋ