Qazaqstan Musulmanliri diniy başqarmisiniŋ musulman ähligä MURAҖİİTİ

0
535 ret oqıldı

Nahayiti şäpqätlik vä mehrivan Allaniŋ ismi bilän başlaymän! Җimi hämdusana alämlärniŋ pärvärdigari Allağa hastur. Päyğämbirimiz Muhämmäd sällällahu äläyhivässalamğa vä uniŋ ailä-tavabiati bilän barçä sahabiliriğa salavat vä salam bolğay!

Ässalamu äläyküm va rähmitullahi va bäräkätuhu!
Һšrmätlik Din Rähbärliri, musulman qerindaşlar!
Mälumki, bügünki kündä COVID-19 taҗsiman virus juqumluq kesili duniya ählini ändişigä selivatidu. Äpsuslinarliği, bu juqumluq kesäldin duniyada miŋliğan adäm kšz jumdi. Duniyada uşbu vabadin җudaliqqa uçrap, qaŋğir qahşap qalğan aililärniŋ qayğusiğa ortaqlişip, täziyä bildürimän. Alla ularğa sävirlik äta qilsun!
Һayatni «sinaq makani», däp bilgän musulman ähliniŋ beşiğa qiyinçiliq çüşsä, tšzümlük tonutidu, niğmätkä bšlänsä, şükür qilidu. Qiyinçiliqni sävir-taqät bilän yäŋgän bändä Allaniŋ mehrigä bšlinidu. Alla taala : «Biz silärni biraz qorqunuç bilän, biraz qähätçilik bilän vä malliriŋlarğa, җanliriŋlarğa, baliliriŋlarğa, ziraätliriŋlarğa yetidiğan ziyan bilän çoqum sinaymiz. (Beşiğa kälgän musibät, ziyan-zähmätlärgä) sävir qilğuçilarğa (җännät bilän) huş hävär bärgin» («Bäqärä» sürisi, 155-ayät) degän. Alla taala sinaqqa sävir qilip, sovapqa erişkän bändiliridin qilğay!
Qädirlik musulman ähli!
Bügünki kündä bu eğir kesäl barçä insaniyätkä hovup tuğdurmaqta. Biz (Һämmimiz) Adäm ata vä Һävva anidin tariğan bir ümmätmiz. Muqäddäs Qur°an Kärimdä: «Ey, insanlar! Silärni bir insandin (yäni Adäm äläyhissalamdin) yaratqan, şu insandin (yäni šz җinsidin) uniŋ җüptini (yäni Һävvani) yaratqan vä ulardin (yäni Adäm bilän Һävvadin) nurğun är-ayallarni yaratqan pärvärdigariŋlardin qorquŋlar, bir-biriŋlardin närsä soriğanda nami bilän soraydiğan Alladin qorquŋlar, silär rähimini üzüp qoyuştin saqliniŋlar. Alla häqiqätän silärni (yäni pütün ähvaliŋlarni) küzitip turğuçidur» («Nisa» sürisi, 1-ayät) degän.
Päyğämbirimiz Muhämmäd äläyhivässalam: «Ey, adämlär! Silärniŋ barliğiŋlar Adäm atidin, ändi Adäm topidin yaritildi…», däp birlikkä dävät qilğan.
Һäqiqätän, heçkimniŋ milliti, uruği, tegi-täkti Yaratquçiniŋ därgahida bir-biridin artuq ämäs. Qur°an Kärimdä: «Ey, insanlar! Silärni biz häqiqätän bir är, bir ayaldin, (Adäm bilän Һävvadin ibarät) bir ata, bir anidin yarattuq. Özara tonuşuşiŋlar üçün silärni nurğun millät vä uruq qilduq. Һäqiqätän äŋ täqvadar bolğanliğiŋlar Allaniŋ därgahida äŋ hšrmätlik hesaplinisilär (yäni kişilärniŋ bir-biridin artuq boluşi näsäp bilän ämäs, täqvadarliq bilän bolidu) Alla häqiqätän hämmini bilgüçidur, hämmidin hävärdardur» («Һuҗurat» sürisi, 13-ayät) deyilgän. Duniyada ovҗ alğan kesälniŋ aldini elişta insanlar Yaratquçiniŋ mehrigä muhtaҗ ekänligini eniq säzmäktä. Şuniŋ üçün härbir millät väkili, barçä insanlar muştumdäk juğirilip, çin ihlas bilän Yaratquçiğa iltiҗa qilip, insanlarniŋ amanliğini soraydiğan bir sinaq päytidä turuvatimiz. Päyğämbirimiz Muhämmäd äläyhivässalam: «Dua — musulmanniŋ qorğini», degini hämmimizgä mälum.
Moşu päyttä Qazaqstan Musulmanliri diniy başqarmisi islam duniyasiniŋ alimlirini, barliq din ärbaplirini, din sahasiniŋ muddärisliri bilän qarimlarni vä barçä musulman ählini här җümä namizi küni namaz vaqtida «Biz — billä, tiligimiz — ortaq», degän izgü başlanma dairisidä barçä insaniyätniŋ amanliği üçün bir vaqitta aliqinimizni yeyip, dua qilişqa dävät qilidu. Nahayiti şäpqätlik vä mehrivan Alla taala pütkül insan balisiğa mustähkäm salamätlik äta qilip, ağriq-silaqtin saqiyip, hoşalliq künlärgä çapsaniraq yetişini nesip qilğay. Amin!
İzgü niyät bilän,
Qazaqstan Musulmanliri diniy başqarmisiniŋ
räisi, Baş mufti
Naurızbay haҗi TAĞANULI.
Nur-Sultan şähiri.

Bälüşüş

Javap qalduruŋ