Biz silär bilän mäğrurlinimiz

0
28 ret oqıldı

«Alla bir yeqidin kam qilsa, yänä bir yeqidin täŋşäp qoyidu», däp konilar bekar eytmisa keräk. Һayatta hämmila adämniŋ on ikki müçisi saq ämäs… Täğdirniŋ yazmişi bilän bäzi insanlar Alla yolliğan sinaqni hapaşlap šmür süridu. Lekin ularni «imkaniyiti çäklängän» däp eytişqa tiliŋ barmaydu. Çünki ularniŋ hayatqa degän muhäbbiti bšläkçä. Män bügün mana şu iradilik insanlar häqqidä sšz qozğimaqçimän.
Maqalämniŋ birinçi qährimani häliqara däriҗidiki sport mahiri Nodärҗan Һämrullaev 1970-jili Uyğur nahiyäsiniŋ Çonҗa yezisida duniyağa kälgän. 2009-jili sportniŋ para pauerlifting türi boyiçä mäşiqlinişkä başlap, 2010-jildin ta bügünki küngiçä җumhuriyätlik musabiqilärdä aldinqi orunlardin kšrünmäktä. Nodärҗan aka җumhuriyätlik musabiqilär bilän çäklinip qalmay, Aziya oyunliridimu mukapatliq orunlarni šz ğoҗuniğa salğan. Şular qataridin, 2015-jili Almuta şähiridä bolup štkän Aziya çempionati bilän 2018-jili Yaponiyadä štkän Aziya çempionatida 3-orunğa sazavär bolidu. Öziniŋ salmaq däriҗisidä җumhuriyät boyiçä birnäççä qetim rekord ornitip, jildin-jilğa šz rekordlirini yeŋilap kälmäktä .
Yänä bir çempion – 1986-jili tuğulğan Rähmätҗan Һämäevtur. U 2009-jili Nodärҗan Һämrullaev bilän billä mäşiqlinişni başlap, 2010-jili däsläpki musabiqigä yollanma alidu. Tuğuluşidin mümkinçiligi çäklängänligigä qarimastin, hayatta šz ornini tepişqa intilğan Rähmätҗan aka 2011-jili җumhuriyätlik musabiqigä qatnişip, para pauerliftingtin yenik salmaq däriҗisidä 1-orunni egiläp, rekord ornitidu. Şuniŋdin keyin on jil mabaynida yenik vä eğir salmaq däriҗiliridä birinçilikni qoldin bärmäy, här jili yeŋi rekord yaritip, bizni hoşal qilmaqta. Täkitläş keräkki, härhil miqiyastiki musabiqilärniŋ ğalibi Rähmätҗan Һämäev 2018-jili İndoneziyadä bolup štkän duniya çempionatida 2-orunğa muyässär boldi.
Häyriyat, Nodärҗan, Rähmätҗan akilar bilän bir säptä jürgän Zumrat Һämrullaevaniŋmu yätkän utuqliri az ämäs. U 1972-jili Çonҗa yezisida duniyağa kälgän. 2019-jili mäşiqni başlap, şu jili Aqtav şähiridä bolup štkän musabiqidä 2-orunğa, biyil Nur-Sultan şähiridä štkän musabiqidä bolsa, 1-orunğa muyässär boldi.
Eniğiraq eytsaq, yeqinda elimizniŋ paytähti Nur-Sultan şähiridä uyuşturulğan җumhuriyätlik musabiqidä Nodärҗan Һämrullaev, Rähmätҗan Һämäev vä Zumrat Һämrullaeva šzliriniŋ salmaq däriҗisi boyiçä baş mukapatni egilidi.
Ahirida eytarimiz, elimizniŋ şänini qoğdap, hälqimizniŋ pährigä aylanğan çempionlirimizniŋ keläçäktä yänimu egiz pällilärdin kšrünüşigä tiläkdaşliq bildürimiz. Biz silär bilän mäğrurlinimiz!

Nurşat NURŞAEV.
Nur-Sultan şähiri.

Bälüşüş

Javap qalduruŋ