Öçmäs izliri qaldi

0
505 ret oqıldı

Ailäŋdä birär iş yüz bärsä, šzäŋ bilän täŋla säkparä bolup, kšŋlüŋni elişqa, därdiŋni bšlüşüşkä aldiraydiğan sadiq dost-yaranlarniŋ bügünki kündä yeniŋda yoqluği adämni jitimsiritipla qoyidekän. Allaniŋ buyruği bilän panidin baqiğa säpär çäkkän şundaq qädirdanlirimizniŋ biri  Uyğur nahiyäsiniŋ ahalisiğa yahşi tonuş bolğan ağinimiz İsa Mirzaevtur. Uniŋ vapat bolğiniğa mana, häş-päş degiçä bir jil boptu. Märhum täbiitidin märt-märdanä, dayim uruq-tuqqan, qom-qerindaş vä dost-yaranliri bilän şagirtliri ğemi bilän yaşiğan edi. Ottura mäktäptin keyin arman yetigidä Almuta şähirigä kälgän İsa täntärbiyä institutiğa oquşqa çüşüp, uni 1972-jili tamamlaydu. Şu jilila u nahiyälik balilar bilän yaş šsmürlär sport mäktivigä işqa orunlişip, yaş futbolçilarni mäşiqländürüşkä kirişti. Kšp štmäy uniŋ şagirtliri vilayät däriҗisidiki musabiqilarda utuq qazinişqa başlidi. Şularniŋ biri bolğan  Tilivaldi Kibirov 1976-jili Qazaqstanniŋ «Qayrat» futbol komandisi tärkivigä qobul qilindi. Şagirtlarniŋ bu utuğiğa hursän bolğan İsaniŋ hoşalliğida çäk bolmivedi şunda. 

1979-jili nahiyälik partiya komitetiniŋ qarari bilän täҗribilik ustaz İsa Mirzaev nahiyälik «Qayrat» ihtiyariy sport җämiyitiniŋ räisligigä tayinlinidu. Ariliqta štkän on bäş jil mabaynida ağinimizniŋ nahiyä kolhozliri bilän sovhozlirida sport türlirini täräqqiy ättürüş boyiçä kšpligän  iş-çarilärni ämälgä aşurğanliği mälum. Uniŋ täklivi bilän «Ämgäk» vä Sverdlov namidiki kolhozlarda sport mäktäpliriniŋ eçilğini şu egiliklär ämgäkçiliriniŋ esida bolsa keräk. Şu jilliri bir türküm yaş sportçilar vilayät dairisidä tonulup, nahiyämiznin daŋqini çiqarğan edi.

1994-jili egiliklär tarqitilğandin keyin İsa nahiyälik sport mäktiviniŋ armrestling bšlüminiŋ mäşiqländürgüçisi bolup işlidi. Şuniŋ bilän billä mol täҗribigä egä salahiyätlik mäşiqländürgüçi kšpligän qazaq milliy sport türliri boyiçä musabiqilarğa qaziliq qildi. Armrestling boyiçä uniŋ şagirtlirimu däsläpki utuqlarğa erişişkä başlidi. Barliq vuҗudi vä җan dili bilän šz käspigä berilgän ustaziniŋ ümütini aqliğan şagirtlar nahiyä, vilayät vä җumhuriyät däriҗiliridiki musabiqilarda räqiplirini boysundurdi. Äynä şularniŋ biri, Qazaqstan Җumhuriyiti boyiçä yaş šsmürlär arisida armrestlingtin çempion atalğan sport mahiri Nadiräm Muhtärovadur. İsa şundaqla, nahiyä mäktäpliridä sport türlirini tärğip qilişqa ähmiyät berip qiziqquçilarğa ämäliy yardäm qilişnimu untumidi. Nätiҗidä Taştiqarisu ottura mäktiviniŋ şu çağdiki oquğuçisi Aqmaral Äkimbaeva Qazaqstan Җumhuriyitiniŋ oçuq kubogida atalmiş sport türi boyiçä ikkinçi orunni yeŋivaldi. Şundaqla Abdulla Rozibaqiev namidiki ottura mäktäpniŋ bir top yaş sportçiliri vilayättä vä Almuta şähiri çempionatida mukapatliq orunlarni egiläp, medal' vä pähriy yarliqlar bilän täğdirländi.

Uniŋ kšpligän şagirtliri sport akademiyasidä bilim elip, hazir nahiyä mäktäpliridä ustaziniŋ işini davamlaşturuvatidu.

Һeli esimda, İsa bizni bir azla kšrmisä, telefon arqiliq ähvalimizdin uçur alatti. İştin säl qoli boş bolup qalsa, izdäp kelidiğan. Dost-yaranlirini bäkmu hšrmät tutidiğan ağinimiz sšz ara şagirtliriniŋ utuqliri bilän pähirlinip, hoşalliq däqiqiliri bilän ortaqlişatti. U şagirtliri üçün kšyüşni, muvappäqiyätliridin şatlinişni bilidiğan häqiqiy ustazlardin edi. Һayati behšddä štmigän ağinimiz  kšpligän şagirtlarni tärbiyiläp çiqti.

Kšp jilliq paaliyiti davamida nurğunliğan pähriy yarliq vä minnätdarliq hätlär bilän mukapatlanğan ustazniŋ ämgigi munasip bahalinip, 2011-jili u «Uyğur nahiyäsiniŋ Pähriy grajdani» atalğan edi. Päyğämbär yeşida hayat bilän vidalaşqan İsa toğriliq  yeziştiki asasiy mähsitim, u paaliyät elip barğan  Uyğur nahiyälik sport mäktividä uniŋ hatirisigä tahta ornitilsa, tolimu sovapliq iş bolğan bolar edi.

Ablimit MÄRDANOV.

Uyğur nahiyäsi.

 

 

Bälüşüş

Javap qalduruŋ