Mähsätkä bir qädäm qaldi, u ahirqi qädäm bolmasliği keräk

0
878 ret oqıldı

Prezident Nursultan Nazarbaevniŋ «Qazaqstan — 2050» Strategiyasi — qeliplaşqan dšlätniŋ yeŋi säyasiy yoli» namliq Mäktübi — elimiz tarihidiki nahayiti ähmiyätlik yänä bir muhim vaqiä boldi. Çünki mustäqilliktä štkän jigirmä bir jilniŋ yäküni boyiçä yänä bir strategiyalik programma qobul qilindi. Älvättä, Prezidentniŋ här jilliq än°äniviy mäktüplirinimu strategiyalik ähmiyiti bar hšҗҗät däp qobul qilişqa bolidu. Biraq bu qetimqi Mäktüp 2050-jilğa qädär bolğan yeŋi säyasätni bälgüläp bärdi. Bu yärdä şuni alahidä tilğa elişqa boliduki, «Qazaqstan — 2030» Strategiyasiniŋ mälum qismi qärälidin ilgiri orunlandi. Mundaq ähvalda elimizniŋ yeŋi säyasiy yšnilişini, uzaq qärällik täräqqiyat strategiyasini bälgüläş haҗät boldi. Çünki elimiz täräqqiyatiniŋ toğra strategiyasini tallavelişniŋ, uni häliqqä eniq yätküzüşniŋ ähmiyiti alahidä. Mundaq strategiya häliqni keläçäkkä işäşlik yetäkläydu, här birimizniŋ šz planlirimizni quruşqa, keläçäktä elimizniŋ qandaq bolidiğanliğiğa, qandaq muhim yšnilişlär bar ekänligini eniq çüşinişimizgä, šzimizniŋ qabiliyitigä qarap qandaq işlarğa tutuş qilişqa bolidiğanliğiğa asas selip beridu.

Prezident Nursultan Nazarbaev bu qetimqi Mäktübidä alğa qoyulğan mähsät-väzipilärni toluq orunlaşta tiҗarätçilärgä alahidä җavapkärçilik jüklinidiğanliğini eniq eytti. Elimizda tiҗarätçilik paaliyät üçün asasliq şarait vä şu şaraitğa munasip zamaniviy seliq sistemisi şäkilländi. Şuŋlaşqa Prezident Mäktüptä mundaq däydu: «2030 Stretegiyasini qobul qilğan päyttin tartip štkän 15 jilda dšlitimiz duniyaniŋ äŋ җoşqun täräqqqiy etivatqan bäş mämlikitiniŋ qatariğa kirdi. Nätiҗidä 2012-jilniŋ yäküni boyiçä biz umumiy içki mähsulatniŋ kšlämi җähitidin säyyariniŋ äŋ çoŋ 50 ihtisadiniŋ qatariğa kirimiz… Buniŋdin altä jil ilgiri män duniyaniŋ riqabätkä qabil ällik mämlikitiniŋ qatariğa kiriş boyiçä umummilliy väzipini qoydum. Duniyaviy ihtisadiy forumniŋ reytingida Qazaqstan hazirniŋ šzidila 51-orunni egilävatidu. Bizniŋ mähsitimizgä yetişimizgä bir qädäm qaldi».

Prezident Qazaqstanniŋ riqabätkä qabil 50 dšlitiniŋ qatariğa kiriş väzipisini qoyğanda, helä-helimiz uniŋğa guman bilän qariğan eduq. Mana, aridin bari-yoqi sanaqliqla jillar štüp, biz duniyadiki riqabätkä qabil mämlikätlär arisida 51-orunni egiliduq. Mähsätkä yetişkä, Prezidentimizniŋ sšzi boyiçä eytqanda, birla qädäm qaldi. U qädämniŋ bizgä oŋayğa çüşmäydiğanliği mälum, biraq u ahirqi qädäm bolup qalmasliği keräk. «Qazaqstan — 2050» Strategiyasiniŋ ähmiyitimu äynä şuniŋda. Prezidentimiz alğa qoyğan väzipilärni orunlaş üçün här birimiz šzimizniŋ iş ornida biläk türüp ämgäk qilişimiz şärt.

Tehi 2005-jili šzäm rähbärlik qilivatqan «Universal» җavapkärligi çäklängän yoldaşliği täripidin Yarkänt şähiridiki taşlinip kätkän krahmal-şirnä zavodini qaytidin işqa qoşqan eduq. Çünki biz bu zavodniŋ keläçäk täräqqiyati üçün šzimizniŋ puhta asasqa egä ekänligimizni yahşi his qilduq vä bu zavodni qayta җandanduruşqa küç-quvitimizniŋ yetidiğanliğiğa toluq işänduq. Çünki «Universal» ҖÇY elimizdiki inavätlik işläpçiqiriş orunliriniŋ birigä aylanğan şirkätlär qatarida bolğaçqa, ävu jili elimizniŋ biznes sahasidiki äŋ aliy mukapat — «Altın sapa» konkursida ğalip çiqip, Qazaqstan Җumhuriyiti Prezidentiniŋ «Süpät sahasidiki utuqliri üçün» mukapitiğa qol yätküzgän bolsa, şähsän šzäm aridin kšp štmäyla «Almuta vilayiti boyiçä işläpçiqiriş sahasidiki äŋ yahşi tiҗarätçi» däp etirap qilindim.

Ötkän jillar җäriyanida zavodniŋ maddiy-tehnikiliq bazisini yeŋilaşqa, zamaniviy tehnologiyalärni qolliniş arqiliq yetiştürülüvatqan mähsulat türlirini kšpäytişkä vä süpitini aşuruşqa qol yätküzduq. Zavodimizniŋ asasiy paaliyiti kšmüqonaq denidin krahmal mähsulatlirini işläpçiqiriş bolup hesaplinidu. Һazir biz eyiğa 18 miŋ tonna krahmal mähsulatlirini yetiştürüvatimiz, uniŋ 8 miŋ tonnisi çät ällärgä eksport qilinivatidu. Pat-yeqinda zavodimizniŋ yeŋi liniyasini işqa qoşuşni planlavatimiz. U vaqitta yetiştürülüvatqan mähsulatniŋ 2-3 hässä  šsidiğanliği kütülmäktä.

«Universal» ҖÇYniŋ Panfilov nahiyäsidä yänä bir qurulumi bar. U — polipropilen mişkaplirini işläpçiqiriş zavodi. İlgiri, zavod yeŋidin işqa qoşulğanda, eyiğa ikki million polipropilen mişkaplirini yetiştürgän eduq. Ötkän jili noyabr' eyida zavodniŋ päqät Qazaqstandila ämäs, şundaqla Märkiziy Aziya boyiçä täŋdişi yoq yeŋi liniyasi işqa qoşulğandin keyin biz eyiğa altä million polipropilen mişkaplirini işläpçiqiriş quvitigä yättuq vä qoşumçä 570 iş orni eçildi. Umumän, hazir «Universal» ҖÇYniŋ barliq şšbiliridä җämi 1800 adäm işläydu. Päqät Panfilov nahiyäsidiki ikki zavodimizda 1200din oşuq adäm turaqliq iş bilän bänt. Eytiş keräkki, moşu ikki zavod jiliğa 22 milliard täŋgilik mähsulat yetiştürüş quvitigä yetiş alida turidu. Şundaqla biz biyil päqät Panfilov vä Uyğur nahiyäliriniŋ dehanliridin 200 miŋ tonna kšmüqonaq denini setiveliş üçün 2,9 milliard täŋgä särip qilduq.

Eytivärsäm, utuqlirimiz az ämäs. Buni män elimiz Prezidenti Nursultan Nazarbaevniŋ täşäbbusi bilän alğa sürülgän industrial-innovatsiyalik täräqqiyatqa qoşuvatqan mälum hässimiz däp bilimän. Eniq eytsam, bu elimiz ihtisadiniŋ yüksilişigä türtkä bolidiğan zamaniviy tehnologiyalärni җariy qiliş üçün investitsiyalik layihilärni ämälgä aşuruş, yeza yärliridä yeŋi iş orunlirini eçiş arqiliq adämlärniŋ paravän turmuşini qolğa kältürüşkä qaritilğan paaliyitimizniŋ nätiҗisi. Ändi yetiştürülüvatqan mähsulatlirimizniŋ tän närqini ärzänlitiş asasida riqabätkä qabil yeza egiligi mähsulatlirini yetiştürüş, agrosanaät kompleksi infraqurulumini nätiҗidarliq täräqqiy ätküzüş nätiҗisidä mähsulatni düŋ setişni qolğa kältürüş vä başqimu täräqqiyatimizğa eniq yol açidiğan amillarğa ämäl qilğan halda elimizniŋ riqabätkä qabil 50 mämlikätniŋ qatariğa kiriş üçün äŋ muhim bolğan amilliriğa asasiy diqqät bšlmäkçimiz. Biraq eytqanlirimizniŋ eğizdila oŋay ekänligini, ämäliyatta bolsa, tär tšküşniŋ vä turaqliq izdinişniŋ  lazimliğini bilimiz. Juqurida eytqinimdäk, här birimiz, җümlidin tiҗarät sahasidiki käsipdaşlirim, elimizniŋ riqabätkä qabil 50 mämlikätniŋ qataridin orun elişi üçün šzimizgä nahayiti җavapkärlik väzipä jüklängänligini heç qaçan yadimizdin çiqarmasliğimiz şärt däp oylaymän.

Zakirҗan KUZİEV,

«Universal» ҖÇYniŋ

prezidenti.

 

 

 

 

 

 

 

Bälüşüş

Javap qalduruŋ