BÄHTİNİ ÄMGÄKTİN TAPQAN

0
829 ret oqıldı

Nahiyä rähbärliginiŋ hozurida bolğan sšhbättin keyin, «Kazsel'hoztehnika» mähkimisiniŋ mudiri Murtuza Hasiyarov mähki­mä tizginini yeŋi mudirğa štküzüp beriş täräddutini kšrüş üçün yolğa çiqti. Kšŋli bearam. Zatän, uniŋğa «Yiltiz» kolhozini başquruş väzipisi jük­län­gän edi. Ğäm-täşviş ilkidä qalğan mudir idarisigä kälgändin keyinmu nahiyä rähbiriniŋ käskin pikri häqqidä heliğiçä oylinip oltardi. Çoŋ bir egilikni başquruş üçün päqät yaşliq җigär azliq qilidu, älvättä. Uniŋ üçün mol täҗribä, idräk vä päm-parasät lazim. Ähvalni yahşi çüşängän yaş Murtuza hiyalän ata-anisidin mädät soriğandäk bolup, ularni äslidi…

Mustapa ata bilän Büvinur ana bäş oğul vä ikki qiz tepip, qatarğa qoşqan. Amma oğullarniŋ biri mäzgilsiz vapat boldi.

Murtuza aka ailiniŋ tunҗisi. 1968-jili Avat ottura mäktivini tamamliğan u ikki jildäk  egiliktä mehanizator bolup işlidi. Mähsus bilimi bolmisimu tehnikiğa bolğan qiziqişi tüpäyli tšmür tulparni tizginligän jigit ata-anisiniŋ duasi bilän 1970-jili Almuta şähiridiki Yeza egiligi institutiniŋ mehanika fakul'tetiğa oquşqa çüşüp, mäzkür bilim därgahini 1975-jili tamamlaydu. Bäş jil boyi alğan bilimini ämäliyatta paydiliniş päyti kelip, ana jutiğa qaytqan yaş mutähässis «Yiltiz» kolhoziniŋ baş injeneri süpitidä işqa qobul qilindi. Yeza egiligi tehnika vasitiliriniŋ šz qärälidä remontlinip, haҗät bolğanda etizliq beşida säp tüzüp turuşini täminligän Murtuza işbilärmänligi bilän kšzgä çüşüp, bäş jildin keyin, Ğalҗat yezisidiki «Sotsializm» kolhoziğa baş injener, keyiniräk egilik räisiniŋ orunbasari hizmätliridä işlidi. Bu egiliktimu u yeza egiligi tehnikiliriniŋ bazisini mustäh­kämläş vä ämgäk uyuşturuş җäriyanini toğra yolğa selişta šziniŋ üstün täläpçanliği bilän kšzgä çüşti.

— Meniŋ ata-bovammu tš­mür­gä amraq edi, — däydu sšh­bätdişimiz. — Mänmu şularniŋ izi bilän meŋip, «Kazsel'hoztehnika» mähkimisigä işqa orunlişip, nahiyä egilikliridiki yeza egiligi tehnika vasitiliriniŋ mäv­sümlük işlarğa täyyarliğini täminläş väzipisigä җan dilim bilän kirişip kättim. Qoşumçä qisimlar, jük avtomobil'liriniŋ motorlirini muräkkäp җšn­däş­tin štküzüş käbi işlar bilän billä yäm-çšp toğraş agregatlirini, telejka vä soqa-saymanlarni, qoşumçä qisimlarniŋ tapçilliğiğa qarimay, jiğişturup-quraşturup çiqqan päytlirimizmu bolğan edi.

Bäş jil mabaynida mäzkür mähkimigä räh­bärlik qilğan mudir ändi šzi däsläp ämgäk paaliyitini başliğan «Yiltiz» kolhozini başqurmaqçi. Häyriyat, jut bilän ilgärki käsipdaşliriğa ümüt vä işänçä artqan Murtuza Hasiyarov 1991-jili egilikniŋ tizginini tapşuruvaldi. Yezida qoyma quruluşini ayaqlaşturup, kšp štmäyla, egilikniŋ yeŋi räisi Qaradala qoynidiki «Quduq» uçastkisida 250 baş malğa molҗalanğan bodaş kompleksini selip, işqa qoşti. Yäm-çšp mäsilisini moşu yärdila häl qiliş mähsitidä egilik hesaviğa Qaradalada bäş quduqtin su çiqirilip, kšmüqonaq terilğusiniŋ mäydani  käŋäytildi. Ändi egilikniŋ kün tärtividä yeza ätrapidiki terilğuluqlarda bayqalğan su tapçilliği bilän egilikniŋ mal qoraliriğa elektr yoruğini beriş mäsililiri turdi. Gärçä, bu җähättin täyyarliq işliri qolğa elinğan bolsimu, Keŋäş İttipaqiniŋ parçilinip ketişi bu iş-reҗiliriniŋ ämälgä eşişiğa kaşila boldi. Çünki, dšlät mülki hususiylaşturulup, ämgäk qiliş şäkli šzgärgän edi. Barliq sahalar boyiçä elimizda kasatliq yüz bärgän päyt…

1996-jili «Yiltiz» kolhozimu tarqitildi. Murtuza aka jutdaşliri qatarida şäh­siy egilik qurup, šz aldiğa ämgäk ätti. Bügünki kündä «Bähit» şähsiy dehan egiliginiŋ qarmiğida 60 gektar mäydan bolup, egilik buğday, bedä šstürüş, şundaqla bağvänçilik bilänmu şuğullinidu. Täbiiy çepinliqmu bar. Özlirigä haҗät tehnika vasitilirini jiğip-quraşturuvalğan.

Murtuza Mustapa oğli šmürlük җüpti Turdibüvi hädä bilän bir qiz vä ikki oğul tärbiyiläp, qatarğa qoşti. Qizi Aliyäm — muällim, oğli Mirzähmät atisiğa yardämçi. Säydähmät bolsa, yeziliq okrugta veterinariya inspektori. Pärzänt­liriniŋ hämmisi šylük-oçaqliq bolup, ata-anisiğa tšrt nävrä sšydürdi. İlgiri Murtuza Hasiyarov başqurğan mähkimä vä egiliklärdä buhgalter bolup işligän Turdibüvi hädä hazir šy işliri bilän bänt. Bu künlärdä Murtuza aka bügünki hatirҗäm hayatiğa şükri äyläp, tirikçiligini davamlaşturmaqta.

Mahmut İSRAPİLOV.

Uyğur nahiyäsi.

 

Bälüşüş

Javap qalduruŋ