Uyğur hanim-qizliri arisidin äŋ paaliyätçan ayal däp kimni eytqan bolar ediŋiz?

0
1 013 ret oqıldı

Murat ÄHMÄDİEV, mäҗlis deputati:

— Rämiti Roşängül İlahunova daŋliq artist bolğini üçünmu uniŋ җämiyitimizdiki roli nahayiti üstün edi. Uni juquridiki ämäldarlar bilän addiy häliqqiçä nahayiti hšrmät tutatti. Һazir sizniŋ soaliŋizdin keyin oylinip qaldim. Bügünki kündä bizdä äynä şundaq paaliyätçan ayallar barmu? İş babi bilän uyğurlar ziç җaylaşqan nahiyälärdä kšp boluşqa toğra käldi. Şundaq uçrişişlarda addiy häliq «İşbilärmän ayallar» klubi vä uniŋ räisi Klara Şardinova häqqidä yahşi inkaslarni eytidu. Kšpçilik mäzkür klubniŋ jürgüzüvatqan paaliyitidin razi ekän. Şuŋlaşqa män, addiy häliq qollavatqan mäzkür klubniŋ räisi Klara Tursun qizini paaliyätçan uyğur hanim-qizliriniŋ qatariğa kirgüzimän.

Rabik İSMAYİLOV, alim:

— Şähsän män uyğur hanim-qizliri arisida šziniŋ müҗäz-hulqi, märt-märdaniliği bilän alahidä päriqlinidiğan tiҗarätçi Sänäm Beşirovani paaliyätçan ayal degüm kelidu. Çünki u quruq gäptin, ämäliy işni yaqturidiğan ayal.

Җämşit ROZAHUNOV, şair:

— İҗadiyättä qälämdişim — şairä Patigül Mähsätova nahayiti paaliyätçanliq kšrsätmäktä. Meniŋçä, Patigül Qazaqstandiki äŋ paaliyätçan hanimlarniŋ biri.

Rehimҗan TOHTAHUNOV, Panfilov nahiyälik Uyğur etnomädäniyät märkiziniŋ räisi:

— Jutdişimiz Süriyäm Һezimova šziniŋ işbilärmänligi bilän kšzgä çüşüvatqan hanim-qizlarniŋ biri. Şundaqla u milliy mädäniyitimizniŋ җankšyäri. Şuŋlaşqa män Süriyämni äŋ paaliyätçan uyğur ayalliriniŋ biri däp hesaplaymän.

Savutҗan SONUROV, Uyğur teatriniŋ mudiri:

— Män advokat Gülinur Җalanovaniŋ ismini alahidä tilğa alğum kelidu. Uniŋ šzini tutuşi, mädäniyiti, siliq-sipayiliği meni qayil qilidu. Gülinur hädä qolidin kälsä, härqandaq adämgä yardämlişidiğan aliy hislätkä egä insan.

Rähmätҗan ĞOҖÄMBÄRDİEV, «Mektep» näşriyati Uyğur redaktsiyasiniŋ başliği:

— Aldi bilän šzäm kšp jillardin beri billä işlävatqan käsipdaşlirim Märiyäm hädä Adilova bilän Selimäm Balinovani atap štküm kelidu. İkkisi çaräk äsirdin oşuq vaqit mabaynida yaş ävlatni därisliklär bilän täminläş yolida hizmät qilip kelivatidu. Şundaqla män härtäräplimilik qabiliyätkä egä şairä Patigül Mähsätovani paaliyätçan ayallarniŋ qatariğa yatquzimän.

Dilmurat BAҺAROV, nahşiçi:

— Älvättä, undaq ayallar bizdä bar. Şularniŋ içidin män yazğuçi vä şair Dürnäm Mäşürovaniŋ ismini alahidä atap štküm kelidu. U bir näççä kitapniŋ muällipi. Kšpligän nahşa mätinlirini yazdi. Şundaqla dramaturgiya sahasiniŋ täräqqiyatiğimu ülüş qoşup kälmäktä.

Bälüşüş

Javap qalduruŋ