Һayaҗanliq däqiqilär, untulmas täsiratlar

0
999 ret oqıldı

Taşmähämmät Mämläkov yeqindin arilişip kelivatqan jutdaşlirimniŋ biri. Aqni-aq, qarini qara däp üzä tura gäp qilidiğanliği, äŋ muhimi, milliy mädäniyitimizgä kšyünidiğanliği bilän päriqlinidu. Jigirmä jilğa yeqin vaqit җäriyanida Yarkänt şähiridiki Turpan mähällisiniŋ jigit beşi süpitidä qizğin paaliyät elip barğanliğimu äynä şu kšyüngänlikniŋ ispati. Rast, hazir ailäviy şaraitqa bola, bu işni šziniŋ ilgärki yardämçisigä štküzüp bärdi. Biraq җamaätçilik işliridin qol üzüp qalğini yoq. Bu җähättin nahiyä boyiçä muvappäqiyätlik yäkünlängän «Muştiri toplaş — 2012» mävsümigä bir kişilik hässisini qoşqanliğini minnätdarliq bilän atap štkän orunluq.

Ötkän jilniŋ käç küz künliriniŋ biridä Taşmähämmätni uçritip, sšhbätlişip qaldim. U šziniŋ pat-yeqinda tarihiy Vätinimizni ziyarät qiliş üçün säpärgä atlinidiğanliğini eytti. Hoşlişiş aldida «Adaş, nemä alğaç keläy» devidi, «Meniŋ kšzüm bilän kšrüp çiqqina» däp, aq yol tilidim. Yeŋi jil harpisida qaytidin kšrüşüp qalduqtä, sšhbitimiz mavzusi täbiiy räviştä uniŋ säpiri hususida boldi.

Mälum boluşiçä, Taşmähämmät tiҗarätçi Adil Mäsimov bilän billä yolğa çiqiptu. Mähsät-muddiasi Qäşqärni kšrüş bolğanliqtin, tarihiy Vätinimizniŋla ämäs, pütün şäriqniŋ mšҗüzisi däp täriplinivatqan qedimiy şähärgä çapsaniraq yetişkä aldiraptu.

— Qäşqärgä kelip, häyranla qalduq — dedi u. — Däsläpki hayaҗanliq däqiqilärdin tartipla alğan täsiratlirimizni eytip tügätküsiz. Vaqtimizniŋ qisliğidin, üç künla arilap qalğanliğimiz eçinarliq boldi.

Uniŋ eytişiğa qariğanda, İparhanniŋ mäqbärisini ziyarät qilğanliği bir šmür untulmaydiğan vaqiä süpitidä hatirisidä qaptu. Bu täbiiy halät, älvättä. Çünki büyük vätänpärvär äҗdadimizniŋ mubaräk rohi aldida kim tävränmisun? Җapakäş hälqi üçün güldäk hayatini qiyğan mundaq җasur qiz vuҗudida aziraq bolsimu milliy hissiyat-ğururi bar adämdä çäksiz pähirliniş häm aççiq eçiniş tuyğulirini päyda qilidiğanliği muqärrär gäp. Moşundaq ismi tarihimizğa ta äbätkä yezilip, qälbimiz tšridin orun alğan şanliq qizimizniŋ mäqbärisi aldida sürätkä çüşüş bu yärdä bolğan ziyarätçilär üçün än°änigä aylinip qalğanliğimu hoşal bolarliq ähvaldur.

Oqurmänlärniŋ diqqät-etivariğa havalä qilivatqan monu sürätmu İparhan mäqbärisi aldida çüşirilgän. Uniŋda Taşmähämmät Mämläkov, (soldin oŋğa), qäşqärlik Gülbahar vä Adil Mäsimov äkis ättürülgän. Kšrünüp turğinidäk, Gülbahar İparhanniŋ qiyapitidä. Demäk, äҗdadimizniŋ nami mana moşundaq ävlattin-ävlatqa štüp, saqlinivärgüsi.

Nurähmät ÄHMÄTOV.

Yarkänt şähiri.

 

Bälüşüş

Javap qalduruŋ