Prezident hozurida

0
251 ret oqıldı

Nursultan Nazarbaev äl-Farabi namidiki Qazaq milliy universitetiniŋ rektori Ğalimqayir Mutanovni qobul qildi. Uçrişiş davamida universitetniŋ ilmiy ihtidarini täräqqiy ätküzüş mäsililiri vä «Tšrtinçi sanaät inqilavi şaraitidiki täräqqiyatniŋ yeŋi imkaniyätliri» namliq Mäktüpniŋ asasiy yšnilişlirigä muvapiq kadrlarni täyyarlaşniŋ ketip berişi muhakimä qilindi. Dšlät rähbiri universitet ämälgä aşuruvatqan işlarniŋ nätiҗilirini tilğa elip, aliy oquş orunliriniŋ alämşumul ihtisadiy vä tehnologiyalik šzgirişlär şaraitiğa maslaşqan yaş mutähässislärni täyyarlaş işidiki roliğa diqqät ağdurdi.
Siz uzaq jillardin buyan mämlikätniŋ äŋ çoŋ vä baş universitetliriniŋ birigä rähbärlik qilip kelivatisiz. Bu yärgä çät ällärdin oquş üçün kelidu. Qazaqstan aliy oquş orunliriniŋ arisida universitet juquri reytingqa egä, – dedi Qazaqstan Prezidenti.
Ğalimqayir Mutanov Nursultan Nazarbaevqa aliy oquş orunlirini šzgärtiş vä oquş җäriyanini zamaniviy täläplärgä maslaşturuş nätiҗiliri toğriliq doklad qildi.
Bizniŋ asasiy mähsitimiz – aliy oquş ornini duniyaviy däriҗidiki tätqiqat universiteti qilip šzgärtiş. Bu päqät yetäkçi mutähässislärni täyyarlaşnila ämäs, bälki ilim-pän vä innovatsiyalärni täräqqiy ätküzüş mäsililirini šz içigä alidu. Umumän, universitetlar innovatsiyalik ihtisatniŋ drayveri boluşi keräk, – dedi äl-Farabi namidiki QazMU rektori.
Ğalimqayir Mutanov Dšlät rähbirigä İT sahasidiki layihilärni vä yeŋi tehnologiyalärni ämälgä aşuruş toğriliq ähbarat bärdi, şundaqla universitet bazisida quruluvatqan İT-tehnopark dairisidä aliy oquş orunliriniŋ šzara härikitini yolğa seliş җäriyani toğriliq sšzläp bärdi. Äl-Farabi namidiki QazMU rektori bärgän ähbaratqa qariğanda, hazir aliy oquş orni studentliriniŋ 60 payizdin oşuği täbiiy pänlär boyiçä bilim elivatidu.
Uçrişiş ahirida Qazaqstan Prezidenti birqatar eniq tapşurmilarni bärdi.

***
Nursultan Nazarbaev «Nazarbaev Äqliy mäktäpliri» mustäqil bilim beriş täşkilati başqarmisiniŋ räisi Küläş Şämşidinovani qobul qildi.

Uçrişiş davamida Nazarbaev Äqliy mäktäpliri paaliyitiniŋ asasiy yäkünliri vä täräqqiyat istiqbali muhakimä qilindi.
Dšlät rähbiri mämlikät ottura bilim beriş sistemisida Nazarbaev Äqliy mäktäpliriniŋ alahidä rol' oynaydiğanliğini täkitlidi.
Bu mäktäplär hämmisi üçün ülgä boluşi keräk, yeŋi mäktäplärni açqanda, biz ularniŋ täҗribisini hesapqa alimiz. 2008-jildin buyan Äqliy mäktäplärni 5 660 adäm tügätti, ularniŋ hämmisi üç tilda ärkin sšzläydu. Biz pütkül җämiyätkä Qazaqstanda üç tilda oquşniŋ toluq ämälgä aşurulidiğan iş ekänligini kšrsättuq, – dedi Nursultan Nazarbaev.
Öz novitidä Küläş Şämşidinova Qazaqstan Prezidentiğa Äqliy mäktäplärniŋ oqutquçilar tärkivini şäkilländürüş boyiçä jürgüzülüvatqan iş toğriliq ähbarat bärdi.
Moşu jillarda Sizniŋ qollap-quvätlişiŋiz tüpäyli çoŋ iş jürgüzüldi. Bizdä 2 800 muällim işlävatidu, ularniŋ 195 çätällik oqutquçilar, 183 – «Bolaşaq» häliqara programmisi boyiçä çät ällärniŋ yetäkçi aliy oquş orunlirida bilim alğanlar, şundaqla Nazarbaev Universitetiniŋ uçumkarliri. Bügünki kündä oqutquçilar tärkividä 4 pän doktori, 22 pän namziti vä 719 magistr bar, – dedi Küläş Şämşidinova.
Uniŋdin taşqiri bilim beriş täşkilatiniŋ rähbiri oquğuçilar tärkivini şäkilländürüşniŋ konkursluq asasta ämälgä aşurulup, uniŋ päqät ümütkarlarniŋ qabiliyiti bilän eniqlinidiğanliği toğriliq sšzläp bärdi.
Uçrişiş ahirida Dšlät rähbiri Nazarbaev Äqliy mäktäpliri sistemisini tehimu täräqqiy ätküzüş boyiçä birqatar eniq tapşurmilarni bärdi.

Bälüşüş

Javap qalduruŋ