Noruz näqişliri

0
50 ret oqıldı

AQŞ. Mämlikättiki uyğur birläşmisiniŋ uyuşturuşi bilän biyilqi Noruz Fayrfaks (Missuri ştati) şähiridiki Şervud җamaät märkizidä štküzüldi. Bu qetimqi paaliyätkä alahidä mäzmun qoşqan yänä bir amil «Ğämgüzar ana» ana til mäktividiki uyğur gšdäkliriniŋ orunlişidiki uyğur ussulliri boldi. Muhaҗirättä tuğulup šskän uyğur säbiliriniŋ tatliq härikätliri bilän orunlanğan uyğurçä ussul mehmanlarniŋ qälb tarini yänä bir qetim çekip, uyğur mädäniyitiniŋ gšzälligidin yarqin bir sähipini namayän qildi.
***
Türkiya. Änqärädä štkän paaliyätkä ata-anilar pärzäntlirini elip käldi. Uniŋğa şundaqla şähärdiki bilim yurtlirida oquvatqan uyğur studentlirimu qatnaşti. Bu küni tamaşibinlar diqqitigä milliy saz-näğmilirimizdin taşqiri «Samsa yeqiş», «Tuhum soquşturuş» oyunliri vä härhil maharät kšrsitiş paaliyätliri havalä qilindi.
Stambulda Noruz paaliyiti Uyğur akademiyasiniŋ uyuşturuşi bilän şähärdiki «Türk oçaqliri» täşkilatiniŋ mäҗlislär zalida štti. Uniŋğa härhil mämlikätlärdin Türkiyagä kelip oquvatqan oquğuçilar iştrak qildi. Uyğur studentliri mähsus «Uyğur çedirini» qurup, hälqimizniŋ parlaq mädäniyitini, urpi-adätlirini vä kiyim-keçäklirini tonuşturdi.
***
Rossiya. Mämlikät paytähtidiki türkiy häliqlär Noruz mäyrimini Moskva şähiridiki Millätlär šyidä atap štti. Mäzkür märasimğa 19 milliy җämiyätlik birläşminiŋ väkilliri qatnaşti. Җümlidin Rossiya uyğurliriniŋ җamaätçiligimu çättä qalmay, «Uyğur baraŋliğini» qurup, milliy taamlirimizni, kiyim-keçäk häm saz äsvaplirimizni namayiş qildi. Bu küni Almutidin alahidä täklip qilinğan bir türküm sän°ätkarlarmu šz hünirini kšrsätti.
***
Qirğizstan. Bişkek şähiridiki Märkiziy mäydanda mämlikättä yaşavatqan här millät väkilliri šzliriniŋ milliy alahidiliklirini namayiş qildi. Җümlidin uyğurlarniŋ «İttipaq» җämiyitimu paal qatnişip, nahşa-ussullirini orunlap, milliy buyumlar vä çalğu äsvaplar kšrgäzmisini uyuşturdi. Täntänilik märasimğa bişkekliq qerindaşlirimizdin taşqiri, şähärgä yeqin orunlaşqan tävälärdin җämi üç yüzdin oşuq mehman qatnaşti.

Bälüşüş

Javap qalduruŋ